miércoles, 4 de noviembre de 2026
A Coral do Hospital Xeral-Calde de Lugo viaxou a Oporto (Portugal) o 29 de 30 de outubro para participar nos 29º Encontros de Coros nas Terras da Feira.
O grupo lucense ofreceu dous concertos no marco deste programa que tiveron lugar na Igreja de Argoncilhe e no Auditorio San Vicente Louredo. Námbalas dúas actuacións, a Coral do Hospital Xeral-Calde de Lugo compartiu cartel con outros catro coros: Chorus Auris, o Grupo Coral Casa da Gaia, o Orfeâo da Feira e o Coro de Cámara de Madeira.
Nas súas actuacións, a Coral do Hospital Xeral-Calde interpretou un repertorio no que non faltaron pezas galegas, así como a tradicional canción portuguesa Coimbra na honra dos anfitrións. Ademáis desta peza, a coral lucense interpretou Laudate nomen domini, de Christopher Tye; Kyrie de la misa O Quan Gloriosum, de Tomás L. De Victoria; En esta montaña, de A. Barja; Te quiero, de Benedetti-A. Favero-arm. Liliana Cangiano; e as cancións galegas Negra sombra, poema de Rosalía de Castro musicado por Xoán Montes; María Soliña, de Celso Emilio Ferreiro e música de Paz Valverde; e Terra meiga, de Rey Rivero.
A Coral do Hospital Xeral-Calde de Lugo continúa co seu labor de espallamento da música coral galega emprendido en setembro de 1991 en que, auspiciada e apoiada pola Pastoral da Saúde, inicia a súa andadura co principal obxectivo de extender o poder da música sobre o espíritu humano.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
