martes, 21 de julio de 2026
O director de Turismo de Galicia, Xosé Merelles, asistiu hoxe á entrega das bandeiras Q de Calidade e S de Sostibilidade ás praias e portos deportivos da comunidade recoñecidos con estes distintivos. O acto tivo lugar en Sanxenxo, o segundo municipio con máis praias certificadas coa marca Q de Calidade, só por detrás de Marbella.En total, este verán ondearán 48 bandeiras nas praias e nos portos deportivos de Galicia.
Xunto co resto de establecementos e recursos certificados, este ano a comunidade galega acada unha cifra record con 429 certificacións, o que supón un 12% máis en relación ao pasado ano. Precisamente, Sanxenxo é o segundo municipio con máis praias certificadas coa marca Q de Calidade, só por detrás de Marbella (19).
Xosé Merelles valorou o impacto desta cifra récord no marco da estratexia de turismo da comunidade, que recoñece as certificacións de calidade e sostibilidade como un elemento a través do que traballar pola mellora continua do sector turístico. Ademais, salientou o carácter destes distintivos como indicador da singularidade e excelencia da oferta de establecementos e servizos turísticos.
A obtención desta cifra récord de certificacións constitúe un avance cara á consolidación da marca Galicia Calidade, a través do impulso a unha oferta turística baseada na excelencia e a sostibilidade.
Este ano, Galicia mantén a súa posición como 2ª comunidade en números absolutos de certificacións Q de calidade (321) e o 3º posto en números absolutos en certificacións S de Sostibilidade, con 108 certificacións. É ademais a rexión con maior número de certificacións no sector de portos deportivos, con 28 bandeiras, 16 de Q de Calidade e 12 de S de Sostibilidade.
O director de Turismo de Galicia lembrou que desde o departamento se convocan anualmente axudas destinadas a establecementos e servizos turísticos para os procesos de certificación, seguimento e renovación das correspondentes normas UNE. En 2025 investíronse un total de 210.000 para a súa cobertura.
O Atlantic Fest celebra este verán a súa décima edición consolidado como unha das citas musicais imprescindibles. Do 17 ao 19 de xullo, a praia da Concha de Vilagarcía de Arousa volverá acoller un festival que combina música, paisaxe, gastronomía e identidade propia, converténdose nun dos grandes atractivos culturais e turísticos das Rías Baixas durante a tempada estival. A décima edición do Atlantic Fest presenta unha programación que combina grandes nomes internacionais, referentes do panorama estatal e unha destacada presenza de artistas galegos. Entre as actuacións internacionais sobresae a presenza de Franz Ferdinand, nunha das súas poucas actuacións deste verán e única en Galicia.
O 60,66% dos 877 ciclos de Formación Profesional de réxime ordinario para o próximo curso en Galicia complétanse na primeira adxudicación de prazas pechada pola Consellería de Educación, Ciencia, Universidades e FP, e que dá dereito a matrícula. Segundo os datos recabados, un total de 57.118 persoas presentaron solicitude para cursar algunha modalidade de Formación Profesional, o que representa un incremento de preto do 2% (1.069 solicitudes máis) con respecto ao curso 2025-26, o que confirma, un ano máis, o interese que espertan estas ensinanzas entre os cidadáns en Galicia. O maior número de solicitudes rexístranse nos ciclos superiores da modalidade ordinaria, con 15.893 solicitudes, 643 máis (un 4,22% de incremento) que o curso pasado.
