viernes, 30 de octubre de 2026
Nese senso, as comunidades indican que non existe ningunha obriga inmediata que lexitime esta reforma acelerada e que, ademais de ser contraria a dereito e invadir competencias autonómicas, suporía unha grave vulneración dos dereitos adquiridos por miles de titulares de concesións no litoral que obraron confiando nos principios de seguridade xurídica e confianza lexítima.
Agora, de xeito arbitrario ven ameazados eses dereitos cunha reforma do Regulamento de Costas que pretende limitar as concesións xa outorgadas (ata o punto de revogalas), restrinxir a posibilidade de dar novas concesións e cambiar tanto as regras como o propio taboleiro de xogo coa partida xa iniciada.
Pola contra, reivindicou que as comunidades fan unha xestión rigorosa co fin de facilitar a vida do conxunto da cidadanía. De feito, desde que Galicia xestiona plenamente a súa costa, a Xunta impulsou a creación dun rexistro público de concesións -que o Ministerio nunca habilitou-, simplificou e dixitalizou a tramitación administrativa -pasando de numerosos documentos en papel a unha única solicitude por vía electrónica- e unificáronse criterios para dar seguridade xurídica aos administrados, que antes se enfrontaban a distintos requisitos en función da provincia á que pertencesen.
Deste xeito, a Xunta insiste na importancia de desenvolver un modelo de cogobernanza real no que as comunidades participen activamente na definición dos criterios técnicos dos deslindes, na planificación da adaptación climática e na xestión do dominio público marítimo-terrestre. Ademais, subliña que é fundamental que a nova normativa incorpore a tripla perspectiva ambiental, social e económica, tal e como fai precisamente a Lei de ordenación e xestión integrada do litoral de Galicia.
Nesa liña, a directora xeral puxo a lei galega como exemplo de transparencia, participación e cooperación entre administracións, e sinalouna como modelo do que debería ser a regulación estatal desta materia.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
