Noticias

A Xunta destinará 270 millóns de euros a paliar os efectos do conflito en Oriente Medio na nosa comunidade

O presidente da Xunta anunciou que a Xunta destinará un total de 270 millóns de euros a paliar os efectos do conflito en Oriente Medio. Durante a sesión de control no Pleno do Parlamento de Galicia o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.

Este plan conterá 'todo aquilo que sexa preciso entre as posibilidades orzamentarias' para, entre outros, facilitar circulante ás empresas que traballan con Oriente Medio, resolver as peticións nun prazo de 10 días, resolver con urxencia axudas de inclusión social ou axudar con celeridade tanto ao sector agrícola como marítimo.

Vacinación infantil

Tamén durante a súa intervención, Rueda sinalou que o nivel de satisfacción coa sanidade pública galega está 'por enriba da media nacional' e que, en vacinación infantil, a nosa comunidade 'vai seguir sendo pioneira' a nivel mundial.

Neste sentido, anunciou que Galicia, que xa incorpora dúas vacinas contra a meninxite, vai introducir unha nova vacina fronte ao meningococo B que se administrará aos adolescentes cando cumpran 12 anos.

R., 2026-03-25

Actualidad

O festival 6coreógrafas reúne na Estrada diversas propostas de danza contemporánea e artes do movemento

Foto del resto de noticias (6coreografas-2026.jpg)

A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.

O Rexistro de concesións e autorizacións situará a Galicia á vangarda en transparencia e xestión do litoral

Foto de la tercera plana (litoral-pobo.jpg)

O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.

Notas

Xerardo Quintiá, gañador da XXIV edición do Premio de Poesía Afundación

Xerardo Quintiá gaña, co poemario Os cantos a Minha Senhor de Donsinda Christensen e baixo o lema «Cantos a Minha Senhor», a XXIV edición do Premio de Poesía Afundación, que a entidade convoca xunto ao Centro PEN de Galicia, á que se presentaron nesta edición un total de 46 obras inéditas. A resolución do xurado, presidido por Luís González Tosar, con Inés Mosquera Calvo como secretaria e vogal, e integrado por César Lorenzo Gil, Teresa Seara e Ismael Ramos Castelo, tivo lugar en Santiago.

As intervencións deste verán en Cova Eirós e Monte Penedo descobren o seu uso como lugares de enterramento

As escavacións levadas a cabo este verán na Cova de Eirós, no lugar de Cancelo do concello lucense de Triacastela, e en Monte Penedo permitiron ampliar os períodos de ocupación humana das cavidades á vez que certificar que foron usadas como lugares de enterramento. Concretamente, a escavación do nivel 5 en Cova Eirós confirma a existencia na cova de ocupacións neandertais mais antigas e a realizada en Gruta dos Bloques descubriu a existencia dun enterramento infantil datado na Idade do Bronce.