jueves, 1 de octubre de 2026
Os cálculos provisionais incluídos no informe da Consellería de Facenda e Administración Pública avaliado hoxe no Consello estiman que Galicia deixaría de recibir 40 millóns por cada mes que estea en vigor o decreto. 'Hai un impacto na facenda das comunidades que son as que sosteñen os servizos públicos nas autonomías', indicou Rueda.
O presidente autonómico lamentou que o Goberno central non tivese en conta ás comunidades á hora de aprobar as novas medidas e destacou que, posto que afecta a tributos que deixan de ingresar os territorios, na práctica isto significa que Galicia achegará un total de 120,6 millóns de euros ás medidas para paliar o impacto do conflito en Oriente Medio, unha aportación que aumentaría no caso de que se prorrogasen as medidas, tal e como sinala o propio Real Decreto Lei.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
