domingo, 25 de octubre de 2026
As funcións terán lugar os días 5, 6 e 7 de decembro ás 18,00 h. e están programadas en coordinación con Compostela Cultura para facilitar en anos alternos desde o Salón Teatro e do Teatro Principal a exhibición das montaxes recoñecidas coa devandito galardón. As entradas están xa dispoñibles na plataforma entradas.ataquilla.com e tamén no despacho físico de billetes do número 34 da rúa Nova desde dúas horas antes do inicio de cada representación.
O espectáculo forma parte da actividade do Centro Dramático Galego para a actual temporada 20252026. En total, son 14 as novas producións escénicas que a unidade teatral do Goberno galego asume ou nas que participa ata xuño do ano que vén, ben cos seus equipos propios, ben en colaboración con compañías galegas e con outras estruturas teatrais de fóra de Galicia.
Unha historia de liberdade, teatro e memoria
A peza, interpretada por Alba Bermúdez, Atenea García e Tone Martínez, presenta a historia de Berenguela, unha muller que vive nunha residencia da terceira idade e que desexa volver á súa casa da aldea. Alí coñece a Aurora, unha muller de imaxinación desbordante, e a Tomás, sempre calado e pensativo. Berenguela propón unha revolta para se volveren salvaxes e perigosas, pero Aurora suxire utilizar o no teatro para facer aquilo que non lles deixan facer na realidade: ser libres e cambiar o mundo, ou cando menos, o seu pequeno mundo.
Os tres anciáns escollen así representar a obra de Manuel María Aventuras e desventuras dunha espiña de toxo chamada Berenguela, elixindo cada un o personaxe que desexa interpretar. O espectáculo reivindica, con humor e tenrura, o dereito a existir con dignidade en todas as etapas da vida, recoñecendo o teatro como unha ferramenta de rebelión, imaxinación e dignificación das persoas maiores.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
