sábado, 24 de octubre de 2026
Núria Aidelman, codirectora deste programa impulsado pola asociación A Bao A Qu, será a encargada de moderar o coloquio, tras o que se proxectará Innisfree, de José Luis Guerin, unha das películas esenciais de Cinema en Curso, cuxa metodoloxía educativa se fundamenta no vínculo entre ver e facer cinema. Este documental de 1990 percorre as paisaxes e as xentes da localidade irlandesa onde John Ford ambientou en 1952 a súa película El hombre tranquilo, para abordar como a súa rodaxe e a ficción que narraba pasaron a formar parte da memoria colectiva da vila.
O ciclo, organizado xunto ás filmotecas de Cataluña e Valencia, estenderase durante seis meses convidando outros destacados profesionais do cinema, como Jaume Claret Muxart ou o propio José Luis Guerin, a reflexionar sobre as películas que lles inspiraron, as miradas coas que constrúen o seu propio cinema e os procesos creativos que lles moven.
Pedagoxía e mediación
O programa Cinema en Curso, pioneiro na introdución do cinema nas aulas, forma parte das liñas de traballo didáctico e de mediación da cinemateca galega, xunto con Fotografía en Curso, Filmoteca Jr e Novas Miradas, e segue consolidándose como un espazo de aprendizaxe, pensamento e creación compartida arredor da imaxe.
A súa posta en marcha por A Bao A Qu en 2005 buscaba achegar o cinema á rapazada a través da práctica e do descubrimento das obras de grandes autores. Ao longo destas dúas décadas, converteuse nun referente internacional de alfabetización audiovisual, con presenza en máis de trinta escolas e institutos de España, ademais de noutros países como Alemaña, Arxentina, Chile, Eslovenia, Serbia ou Lituania.
Cinema en Curso e Fotografía en Curso centran o traballo de creación e mediación artística da Filmoteca de Galicia a través de catro eixes de traballo: formación do profesorado, prácticas nos centros educativos, redes colaborativas e de difusión entre os colexios e institutos participantes e programación cinematográfica complementaria.
Desde o seu comezo, ambos os dous programas teñen contando cunha media de 12 centros por ano escolar e achegado o cinema e a fotografía a máis de 8600 estudantes a través da realización de 49 filmes e máis de 60 exposicións fotográficas. Neste curso 2025-2026, está prevista a participación de 12 colexios e institutos galegos e arredor de 600 alumnos e alumnas.
Este traballo pedagóxico da Fimoteca de Galicia complétase coa liña de formación de novos públicos que desenvolve a través das seccións Filmoteca Jr., centrada no público familiar e infantil, e Novas Miradas, pensada para Secundaria e Bacharelato.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
