miércoles, 29 de julio de 2026
Pretende, ademais, reforzar instrumentos como o CBAM (Mecanismo de Axuste en Fronteira por Carbono) para protexer as industrias europeas da competencia desleal na produción de aceiro e metal en países con normas ambientais máis laxas.
Neste sentido, Jesús Gamallo defendeu no Comité das Rexións a necesidade de incrementar o investimento en redes eléctricas para que os proxectos de electrificación e descarbonización no sector siderúrxico se poidan acometer con confianza e garantías. Na situación actual, as redes eléctricas son un atranco para desenvolver proxectos e obter permisos, salientou o director xeral, engadindo que é preciso reforzar o investimento para reducir custos enerxéticos e avanzar na descarbonización.
Esta demanda de Galicia está en liña coas prioridades europeas e encaixa co anuncio realizado por Ursula Von der Leyden no debate sobre o estado da Unión de hai unhas semanas. A presidenta da Comisión Europea propuxo un novo paquete de medidas orientado a reforzar e modernizar a infraestrutura europea de rede e acelerar a concesión de permisos que se traduzan nunha enerxía máis accesible. Galicia insta ademais a traballar para conseguir un mercado enerxético estable a través de mecanismos que permitan una maior competitividade, incluíndo a estabilización dos prezos.
Europa cara ao liderado na IA
Os representantes das rexións e cidades tamén abordaron un proxecto de ditame Plan de Acción Continente de Intelixencia Artificial, unha iniciativa de 200.000 millóns de euros que pretende converter a Europa en líder mundial en IA.
Os membros da comisión ECON reclamaron a redución da fenda da intelixencia artificial, fomentando ecosistemas de IA locais, rexionais, transfronteirizos e transnacionais na UE e salientando a importancia da sensibilización, a formación e o despregue de modelos de IA. En consonancia coas conclusións do recente estudo do CDR sobre a adopción da IA e da GenAI por parte das administracións locais e rexionais -no que se recolle o caso pioneiro de Galicia ao ser a primeira rexión europea en lexislar sobre intelixencia artificial-, pídese que a Comisión debuxe un sistema de seguimento normalizado e indicadores clave de rendemento para monitorizar o impacto da IA, axustar as estratexias e adaptarse aos avances tecnolóxicos.
Contexto
No actual mandato 2025-2030 do Comité Europeo das Rexións (CdR), Galicia participa na comisión de Cidadanía, Gobernanza e Asuntos Institucionais e Exteriores (CIVEX) e na comisión de Política Económica (ECON). Esta última elabora ditames sobre economía, industria ou competencia, canalizando así a voz das rexións e municipios europeos en relación á política económica, industrial e comercial comunitaria.
A cuarta edición de Electrofauna vaise desenvolver ata o sábado 1 de agosto na contorna do parque de Vista Alegre de Santiago de Compostela, con música ao vivo, rutas de descuberta natural, visitas guiadas, proxeccións, artesanía, danza, obradoiros e demais actividades inspiradas no respecto ambiental e deseñadas para todos os públicos. Na programación musical destacan as actuacións das galegas Zeltia Irevire, Catuxa Salom, Peitoescuro, High Paw, XianPais e Terra DJs, ademais de DJ Daasanach, DJ Eva Chloé e Bstudio Danza. Esta carteleira únese aos concertos internacionais de Asmaa Hamzaoui & Bnat Timbouktou, chegadas desde Marrocos, Nidia Góngora coa súa última formación Nuevos Ríos con artistas de Colombia e Francia (Canalón de Timbiquí e Reco Reco) e Tiraya, orixinario de Venezuela.
Galicia consolídase como unha das comunidades máis eficientes na xestión de residuos municipais cunha mellora que rolda os dez puntos na taxa de reciclaxe. Os datos remitidos pola Consellería de Medio Ambiente e Cambio Climático ao Ministerio para a Transición Ecolóxica e o Reto Demográfico para a súa inclusión na Memoria anual de xeración e xestión de residuos indican unha importante evolución de Galicia na consecución dos obxectivos establecidos pola Unión Europa. Estes datos, correspondentes ao exercicio de 2024, estiman unha mellora de ata 10 puntos na taxa de reciclado (do 20 ao 30%), e situando a Galicia nunha posición destacada a nivel nacional.
