viernes, 19 de junio de 2026
O trío Slimak, formado por Pablo Sexto Rosende, Roi Alfonso Tojo e David Somavilla Herrera, abrirá cunha interpretación de música contemporánea na que o saxofón se mostra como actor principal e vehículo de novas posibilidades expresivas. Coas obras Panani Lost e Valse conseguiron o terceiro posto do concurso.
A canguesa Sara Gimeno, será a seguinte en subir ao escenario da Praza central da Cidade da Cultura. Unha voz fermosa e un estilo que reinterpreta de maneira moi persoal o R&B con temas como Quérote e Dans les rues de Bordeaux valéronlle o primeiro premio do Xuventude Crea no ano 2024.
Pecharán o Atardecer no Gaiás do venres Lontras (2º premio do certame), banda viguesa formada por Juan Arca (guitarra, voz), Zalo Rodríguez (sintetizadores) e Sunil López (piano). Cun imaxinario no que resoan o jazz, a música contemporánea, a electrónica e o pop alternativo, o seu directo caracterízase por deixar a porta aberta á improvisación, de maneira que cancións como Sangue no canal ou Peixe no millo non soan nunca dúas veces igual.
Os concertos darán comezo ás 21,00 horas na Praza central do Gaiás e o acceso é libre e gratuíto.
Melodiam, Slimak, Sara Gimeno e Lontras forman parte das once propostas galegas que Atardecer no Gaiás inclúe nesta décimo quinta edición, xunto con The Rapants, Eris Mackenzie, Dirty Suc, Lua de Santana, La Toñi, Mocho Gris e Kike Varela DJ. Trátase dunha programación que demostra a efervescencia creativa da escena musical do país con artistas de estilos diversos que apostan por expandir os límites de xéneros como o rap, a electrónica, o pop, o jazz, os ritmos urbanos, o rock e a música tradicional galega.
Os concertos de Atardecer no Gaiás, que rematarán o xoves 21 de agosto co orixinal e bailable electropop de Futurachicapop e a sesión especial do DJ compostelán Kike Varela, enmárcanse dentro da campaña Para gustos, cultura, unha iniciativa impulsada desde a Xunta de Galicia para encher o verán dunha oferta cultural diversa e de calidade que se desenvolve en máis de 200 concellos de Galicia con máis de 3.400 actividades de 40 tipoloxías.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
