sábado, 28 de marzo de 2026
Os nenos destes centros teñen xa praza nos colexios de referencia máis próximos.
Estas unitarias, cuxa relación se publicará no Diario Oficial de Galicia proximamente, non acadan o número mínimo de cinco alumnos que a Xunta rebaixou nos últimos cursos, posto que anteriormente estaba establecido en seis.
Recuperación de matrícula
De feito, grazas a esta rebaixa no número mínimo, o curso pasado mantivéronse en funcionamento a escola de Educación Infantil de Santa Cruz (San Cibrao das Viñas), que incrementa a oito os matriculados de cara ao vindeiro curso, e o Colexio de Pazos-Comoxo (Boiro), que tamén aumenta a seis as matrículas.
Seguindo esta mesma regra, de cara ao próximo setembro, malia a contar con cinco matrículas unicamente, tamén continuarán prestando servizo as escolas de Educación Infantil de Lamas (Moraña) e de Taboadela (que mantén o mesmo número de alumnos que o pasado curso), así como o colexio de Ombre (Pontedeume).
Novos centros para atender matrícula
No contexto de adaptación dos servizos educativos en función das dinámicas poboacionais, a Xunta de Galicia está a reforzar as infraestruturas educativas naqueles territorios onde se rexistra un incremento de demanda. A esta finalidade responden a construción do novo IES Domingo Villar en Vigo, cuxa obra está en licitación é supón un investimento de preto de 19M por parte da Xunta. Tamén en Ames, onde xa está adxudicada a construción do novo CEIP do Milladoiro, que dará servizo educativo a este concello que rexistra un incremento poboacional, e o novo instituto do Pereiro de Aguiar.
Así mesmo, a Consellería de Educación, Ciencia, Universidades e FP ten en marcha a ampliación doutros 18 centros educativos, entre colexios e institutos noutros tantos concellos de Galicia. Ademais dos mencionados de Vigo e Ames, refórzanse as infraestruturas escolares nos concellos de Arteixo, Fisterra, Oleiros e Santiago de Compostela na provincia da Coruña; o de Castro de Rei en Lugo; os de Ourense e Xunqueira de Ambía na provincia ourensá, e os de Caldas de Reis, Pontevedra, Redondela, Vilagarcía de Arousa, Cambados, O Grove e Lalín na provincia pontevedresa.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
