martes, 15 de julio de 2025
Danza no Camiño naceu en 2019 para prolongar o programa de actividades do Certamen Internacional de Coreografía Burgos & New York. Neste 2025, despois de pasar por localidades de Huesca, A Rioxa, Burgos, Palencia e León, recalará o día 16 na rúa Maior de Sarria ás 23,00 horas ; o día 17 de xullo pasará pola praza da Igrexa de Portomarín ás 20,00 horas, e o último destino será a praza de San Martiño Pinario, en Santiago de Compostela, o venres 18 ás 20,00 horas, unha das actuacións máis simbólicas deste circuíto que aínda desenvolverá outras dúas citas de despedida, en Bilbao, o día 20, e en Burgos, o día 21, despois de ter visitado 19 municipios de oito provincias.
A morte, as raíces e os dilemas dun eremita
As creacións das que poderá gozar o público son Kowaw, un dúo que interpretarán os coreógrafos taiwaneses Hsin-Hsuan Yu e Szu Shihmin; Adama, unha peza para tres bailaríns do creador español Mario Bermúdez, fundador e director da compañía Marcat Dance; e Asceta, un solo asinado polo coreógrafo pacense Chey Jurado. O medo a envellecer e á morte, a mirada cara ás nosas raíces e antepasados reivindicando a terra, e os dilemas dun eremita que busca agocharse, son os temas que tratarán desde a danza estas tres propostas.
A programación do festival amplíase nesta edición coa proposta convidada da bailarina e coreógrafa galega Marcia Vázquez, que presentará ao público de Portomarín e de Santiago de Compostela Onde pousa a humidade, unha peza na que aborda a idea da espera inspirándose nos relatos das mulleres da Costa da Morte, que sempre esperan a que o océano lles devolva, cando menos, os restos dos ósos dos seus parentes, segundo ela mesma explica.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
A campaña de Trens Turísticos da Xunta de Galicia sigue o seu percorrido este mes de xullo de xullo con varios dos traxectos practicamente vendidos, o que da mostra da excepcional acollida deste produto turístico deseñado por Turismo de Galicia en colaboración con Renfe e o Instituto Ourensán de Desenvolvemento Económico INORDE, dependente da Deputación de Ourense. Cun nivel xeral de ocupación do 71,4%, aínda quedan billetes sobre todo para as saídas de agosto, setembro e outubro. Están á venda a totalidade dos traxectos que compoñen o programa de Trens Turísticos de Galicia. As persoas que queiran gozar desta experiencia singular, que une o desprazamento en tren con visitas a lugares senlleiros da comunidade, teñen aínda oportunidade de comprar o seu billete para os traxectos nos que quedan prazas.
