lunes, 19 de octubre de 2026
Na súa intervención, Ana Ramos explicou como o executivo comunitario trata de aproveitar este exercicio de revisión intermedia para incentivar o investimento dos recursos en novas prioridades estratéxicas, como a vivenda, a resiliencia hídrica ou a defensa. Así, engadiu, esta revisión intermedia convértese nun banco de probas para ensaiar enfoques e metodoloxías que moi probablemente marcarán o próximo marco financeiro a partir de 2028, cuxa proposta lexislativa está prevista para a semana que vén.
A directora da oficina da Fundación Galicia Europa en Bruxelas advertiu que dende Galicia se observa este proceso con grande atención, conscientes de que ideas como a de agrupar os fondos de cohesión en plans únicos nacionais ou modelos de xestión inspirados no Mecanismo de Recuperación e Resiliencia poderían alterar o impacto da política de cohesión. Por iso, subliñou, a nosa comunidade está a mobilizarse en diferentes foros europeos para defender unha política de cohesión forte, ben financiada e con dimensión territorial.
Encontros virtuais Xunta-UE
Máis de 700 representantes da Xunta participaron nas arredor de 50 sesións dos Encontros virtuais Xunta-UE celebrados dende 2020. A Fundación Galicia Europa impulsou esta iniciativa durante a pandemia, para informar da resposta da UE, que evolucionou ata converterse nun foro mensual no que debater sobre os temas da axenda comunitaria máis relevantes para Galicia.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
