martes, 1 de julio de 2025
A Xunta de Galicia ano máis o seu compromiso co encontro ribadaviense, a través dun convenio asinado esta mesma semana entre o conselleiro de Cultura, Lingua e Xuventude, José López Campos, e o alcalde da vila, César Fernández, polo que se achega ao evento 60.000 euros como recoñecemento ao seu relevante papel no sistema teatral galego.
Esta colaboración enmarcase na política de apoio a festivais estratéxicos de artes escénicas xunto coa liña específica de subvencións, dotada con 280.000 euros que se atopa nestes momentos en fase de resolución da súa convocatoria de 2025. Así o expresou o director da Axencia Galega das Industrias Culturais, Jacobo Sutil, quen interveu na presentación realizada no castelo dos Sarmiento xunto ao delegado territorial da Xunta en Ourense, Manuel Pardo, e ás directoras, representantes da organización e do resto de entidades implicadas.
Edición de transición
Sutil felicitou o novo equipo directivo polo traballo realizado para esta edición, na que Mendoza e Baamonde abren novos camiños cara a unha programación con mirada feminista, diversa e contemporánea, que aposta polos formatos híbridos e a dilución das etiquetas, pola exploración, o teatro comunitario e o pensamento crítico. Baixo o lema Escenas en tránsito, desenvolveranse en total máis de 35 actividades entre funcións, obradoiros, encontros, foros e accións abertas á comunidade, repartidas en máis dunha ducia de espazos escénicos, facendo da MIT un festival expandido onde se presentarán 23 espectáculos de teatro, danza, performance, circo e artes vivas, coa participación de compañías procedentes de Galicia e o resto de España, ademais de compañías procedentes de Portugal, Italia e Brasil.
Sobre a carteleira da 41ª MIT, o representante da Consellería de Cultura expuxo que mantén vixente o espírito pioneiro e fundacional que tivo nos anos setenta do século pasado, época na que actuou como axente catalizador da incipiente escena profesional galega e berce da xeración teatral Abrente. E, ademais, hoxe en día, constitúese nun escaparate da escena mundial de primeira orde, nun punto de encontro transcendental para as compañías de teatro galegas e nun paradigma da relación, activa e participativa, co público máis próximo, o que forman a propia veciñanza deste municipio e os incondicionais que, ano tras ano, participan no evento, engadiu.
Tamén destacou que o Centro Dramático Galego colabora este ano na residencia da autora e directora escénica portuguesa Patricia Portela co seu proxecto Os passadores, onde aborda cuestións actuais de nacionalidade e emigración a partir da recollida de historias reais sobre exiliados, fuxitivos e pasos de contrabando entre España e Portugal de 1936 a 1975. Portela desenvolverá nun obradoiro o traballo de investigación sobre Ribadavia e os lugares de fronteira co país veciño, cuxos resultados se amosarán o 23 de xullo na estrea dun espectáculo que porá así a atención nas propostas comunitarias que implican activación de memorias, miradas ao territorio e participación social.
Carteleira galega e internacional
A programación galega constitúe un dos eixes centrais da MIT, coa presentación de espectáculos de nove compañías do país como son Disiden.cia, Ibuprofeno Teatro, La Guajira, Ártika, Ítaca Teatro, Pistacatro, Furia Sotelo, Chévere e mais o colectivo A Volátil, que se presenta por primeira vez na MIT, e a colaboración de outras tantas artistas e profesionais en diversas actividades paralelas entre as que está a celebración dos 20 anos do Premio Abrente.
No plano internacional, destaca a presenza da compañía italiana Parini Secondo, a portuguesa Circolando e a coreógrafa brasileira residente en Cantabria Mari Paula. Doutros puntos de España chegarán proxectos emerxentes como o da creadora madrileña María Jurado, ao tempo que visitan por primeira vez Ribadavia recoñecidas compañías e creadoras como Malpelo, Luz Arcas, Cris Blanco, Societat Doctor Alonso ou o dúo Los Torreznos, poñendo o foco na escena contemporánea e na mestura de disciplinas. A estas montaxes teatrais, súmase o circo contemporáneo de Kolektiv Lapso Cirk e a danza paisaxística da coreógrafa e bailarina canaria Teresa Lorenzo.
A MIT non se limita á exhibición, senón que Inclúe tres residencias, seis obradoiros e cursos abertos ao público, como o taller de clown de Roi Borrallas, o de máscara neutra de Mar Navarro, o laboratorio El Desenterrador con Sofía Asencio e Tomás Aragay, ou o obradoiro de movemento para infancia a partir da peza Escambo de Mari Paula. Ademais, o ciclo Satélite levará espectáculos ás aldeas, fomentando o acceso e descentralizando propostas artísticas de calidade en espazos fóra do núcleo urbano.
A primeira fase do piloto do proxecto Xenoma Galicia permitiu detectar, entre os máis de 1.000 participantes aos que se lle recolleu unha mostra de sangue, 14 novos casos de alto risco para as patoloxías investigadas de cancro de mama e ovario hereditario, síndrome de Lynch e hipercolesterolemia familiar. A Consellería de Sanidade presentou esta mañá ante o Consello da Xunta un informe de situación do piloto do proxecto Xenoma Galicia. Cun investimento de 20 millóns de euros, o Goberno galego márcase o obxectivo de recompilar o ADN de 400.000 persoas. Pola porcentaxe de poboación incluída, Xenoma Galicia é un dos proxectos de maior envergadura do mundo. Permitirá ofrecer tratamentos farmacolóxicos individualizados, predicir o risco de enfermidades antes de apareceren para poder anticiparse a elas e evitalas grazas ao estudo do xenoma e da historia clínica.
No marco do Plan de Actuacións fronte aos posibles efectos das altas temperaturas sobre a saúde, a Xunta de Galicia vén de rebaixar a alerta por altas temperaturas aos niveis 1 e 2. Deste xeito, a vaga de calor iniciada pasado venres, que na xornada de onte acadou o nivel 3 de alerta en diversas áreas de Galicia, agora queda establecida nos dous primeiros niveis de alerta. En concreto, as zonas que ficarán no nivel 2 son o noroeste de Ourense, o interior de Pontevedra, así como o Centro e a Montaña da provincia de Lugo. Pola súa banda, defínese o nivel de alerta 1 por vaga e calor as zonas do interior de Coruña, o sur de Lugo, Miño de Ourense, montaña de Ourense, sur de Ourense, Valdeorras, litoral de Pontevedra e a zona Miño de Pontevedra.
