domingo, 25 de octubre de 2026
Ademais, salientou a necesidade de que Galicia siga avanzando pola vía da confianza nun momento marcado a nivel nacional e internacional polas incertezas e a inestabilidade. A Xunta pon a estabilidade ao servizo dos galegos e galegas, iniciando con normalidade a elaboración dos orzamentos do vindeiro ano para que estean aprobados en tempo e forma, engadiu o conselleiro de Facenda e Administración Pública, Miguel Corgos.
O proceso continuará a finais de xullo, tal e como indicou Corgos, coa aprobación do teito de gasto non financeiro e a entrega do proxecto de orzamentos antes do 20 de outubro para a súa aprobación antes de finais de ano. Todo isto co obxectivo de que entren en vigor o 1 de xaneiro de 2026 para comezar a súa execución.
Tal e como salientou o conselleiro de Facenda, pese incertezas económicas e xeopolíticas no eido nacional e internacional, Galicia segue funcionando e grazas a súa estabilidade política e institucional presentará unhas contas que reforzarán os sectores produtivos para darlle un novo pulo á transformación económica de Galicia, blindarán o estado do benestar e primarán os servizos públicos e as políticas de acceso á vivenda. Ademais, desenvolverán as novas competencias do litoral e a avanzarán na preparación do Xacobeo 2027.
Así mesmo, tal e como explicou Calvo, as contas do vindeiro ano conterán as previsións precisas para rematar os proxectos financiados polo Plan de recuperación, transformación e resiliencia, cuxo prazo de execución remata en agosto de 2026, asegurando o seu pleno aproveitamento e o seu impacto transformador. Así mesmo, promoverán un investimento público que modernice os servizos esenciais como a sanidade, a educación, a atención á dependencia ou a vivenda, coa finalidade de garantir a igualdade de oportunidades e a atención ás persoas máis vulnerables, así como promover a mobilidade sostible e a cohesión territorial.
Para elaborar os novos orzamentos, Galicia precisa do Goberno central información dos recursos do sistema de financiamento autonómico e a concreción dos compromisos de consolidación fiscal, información de que se carece debido á prórroga dos orzamentos estatais, dous anos consecutivos, e pola falta de colaboración institucional.
Cando xa hai que empezar a traballar nos vindeiros orzamentos, o Goberno central acaba de aprobar, aínda agora, a actualización das entregas a conta correspondentes aos orzamentos de 2025, e as comunidades autónomas aínda non recibiron eses recursos.
A única certeza que temos é que existe unha diferenza de 1.531 millóns de euros, a razón de 127 millóns cada mes. Con este atraso, de momento de seis meses, a Administración galega ten un custo financeiro de 6,5 millóns, que aumentará ata que o Goberno central regularice esta situación. E, ademais, cun recorte de 23 millóns de euros no total de entregas á conta sobre o inicialmente comunicado.
Corgos salientou que coa aprobación desta orde, Galicia pon de manifesto que segue a súa propia senda de estabilidade e mantén un estilo propio, o estilo Galicia que lle está a permitir un diferencial positivo de crecemento pospandemia, executar a totalidade do seu orzamento, reducir o endebedamento, estar á cabeza en investimento produtivo e seguir pagando con axilidade aos seus provedores.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
