lunes, 26 de octubre de 2026
O presidente explicou que a agrupación, creada na Coruña en 1985, é unha das mellores embaixadoras da música galega polo mundo logo de vender máis de 400.000 discos e ofrecer máis de 2.000 concertos por 35 países.
No eido cultural tamén recibirá unha das Medallas Castelao 2025 o escritor e xornalista Víctor Freixanes, quen estivo á fronte da Real Academia Galega durante os últimos oito anos. "Trátase dunha das voces máis importantes da literatura galega das últimas décadas, sinalou Rueda, que destacou que o autor compaxina a súa faceta literaria coa docencia na Facultade de Ciencias da Comunicación da Universidade de Santiago de Compostela.
Por outra banda, o Consello recoñece con esta distinción o labor do empresario Emilio Pérez Nieto, presidente honorífico do grupo Pérez Rumbao, líder no sector da automoción en Galicia con 50 compañías, 60 talleres e 1.900 empregados. O presidente destacou que se puxese á fronte da empresa familiar con só 23 anos convertíndoa en todo un referente e que contribuíse a dar voz ao tecido produtivo da Comunidade a través de diferentes entidades como a Confederación de Empresarios de Galicia, a Asociación Galega de Empresa Familiar ou o Foro Económico de Galicia.
Outras das medallas recae este ano na doutora Rosa Rodríguez Álvarez, en representación dos médicos de Atención Primaria de Galicia. Tras 35 anos exercendo no centro de saúde de Adormideras (A Coruña), acaba de iniciar a súa xubilación. O presidente asegurou que se trata dun bo exemplo da dedicación e constancia que caracteriza os profesionais do sistema sanitario galego.
E, por último, o Consello acordou tamén concederlle unha medalla a Agaela, entidade sen ánimo de lucro que traballa desde 2009 para visibilizar a enfermidade da ELA e mellorar a calidade de vida dos afectados. Na actualidade, a asociación dá apoio a máis de 130 familias de toda a Comunidade.
A Medalla Castelao é unha condecoración de carácter civil outorgada pola Xunta de Galicia ás personalidades e institucións que destacan polo seu traballo no eido artístico, literario, deportivo, económico ou intelectual. A gala de entrega terá lugar o vindeiro 28 de xuño, como todos os anos, coincidindo co aniversario da aprobación en plebiscito do Estatuto de Autonomía de Galicia e do regreso á nosa comunidade dos restos mortais de Castelao, explicou o presidente.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
