martes, 27 de mayo de 2025
O director da Axencia para a Modernización Tecnolóxica de Galicia (Amtega), Julián Cerviño, recibiu hoxe aos empregados públicos e profesionais da empresa tecnolóxica implicados nesta iniciativa pioneira, para conmemorar o XX aniversario dun dos primeiros fitos da dixitalización da Administración autonómica.
O responsable da Axencia recoñeceu o labor destes profesionais, que se esforzaron para avanzar un paso máis no proceso de dixitalización que se estaba a iniciar na Xunta, que xa empregaba daquela a sinatura dixital a nivel interno, no Rexistro Telemático así como nas consultas de datos con outras administracións públicas. O equipo da entón Dirección Xeral de Tecnoloxía e Desenvolvemento Sectorial formulou a posibilidade de asinar electronicamente documentos con terceiros, o que implicou a posta en marcha dun portasinaturas dixital, no que puideran asinar todas partes implicadas e o desenvolvemento dun mecanismo de verificación, que garantise a autenticidade da sinatura e a seguridade xurídica do documento.
O 27 de maio de 2005, o conselleiro de Innovación, Industria e Comercio, Juan Rodríquez Yuste, e representantes das empresas Communitel, R Cable y Telecomunicaciones Galicia e Telefónica, asinaban electronicamente un convenio de colaboración para a promoción do acceso empresarial á sociedade da información, converténdoo no primeiro documento asinado dixitalmente entre unha administración pública e entidades externas con todas as garantías de seguridade e autenticidade.
Este logro foi posible grazas á implicación dun grupo de traballadores da Consellería de Innovación, Industria e Comercio, encabezados polo entón director xeral de Tecnoloxía e Desenvolvemento Sectorial, José Manuel González, e integrado por Fernando Gil, Pablo Valdés, María Teresa González e Manuel Pereiras, así como Josefina Fernández e Benito Carballo de Altia Consultores, o provedor tecnolóxico que participou na iniciativa, ademais das empresas asinantes.
Os inicios da administración dixital
Aquel fito serviu para identificar retos e definir os medios necesarios para realizar sinaturas dixitais e sentou as bases para desenvolver o actual portasinaturas da Xunta de Galicia e, posteriormente, o uso de ferramentas como a Autofirma do Estado, elementos inexistentes daquela e que hoxe están totalmente integrados nos procesos de xestión da Administración autonómica.
A partir de aquel momento, a Xunta avanzou nun proceso de transformación dixital definido en diferentes Plans de Dixitalización da Administración autonómica, que fixeron posible a posta en marcha de iniciativas clave para cidadáns e empregados públicos como o Diario Oficial de Galicia electrónico, a Sede Electrónica, a dixitalización dos procedementos administrativos, as notificacións electrónicas ou as Plataformas de Licitación Electrónica.
Marcelino de Santiago 'Kukas' e Isabel Rey interpretan esta historia cos seus bonecos, e son tamén responsables do deseño e e indumentaria dos monicreques xunto a Amelia Poyato, quen se encarga ademais da iluminación. A escenografía e os audiovisuais están concibidos por Maite Dubois. Xosé Lois Romero asina a composición musical e o espazo sonoro foi creado por Noemi Pardo, que colabora tamén nas voces gravadas. O carteiro de Ximaraos presenta unha historia que mestura maxistralmente realidade e fantasía para abordar dúas temáticas de gran relevancia: o impacto emocional do mal de alzhéimer nas familias e o papel da memoria ligada ao correo postal como fío condutor das relacións humanas.
O 27 de maio de 2005, a Xunta de Galicia convertíase na primeira administración pública de España que empregaba a sinatura electrónica para rubricar un documento cunha entidade externa. Ese día, o conselleiro de Innovación, Industria e Comercio, Juan Rodríquez Yuste, e representantes das empresas Communitel, R Cable y Telecomunicaciones Galicia e Telefónica, asinaban electronicamente un convenio de colaboración para a promoción do acceso empresarial á sociedade da información, converténdoo no primeiro documento asinado dixitalmente entre unha administración pública e entidades externas con todas as garantías de seguridade e autenticidade.
