sábado, 31 de octubre de 2026
En dita interpelación salientou ademais que a procura de consensos e a escoita activa con patronal e sindicatos son clave para avanzar no fortalecemento do mercado laboral galego, que vén de acadar a cifra de paro máis baixa de toda a serie histórica, con 115.545 persoas e o número de afiliacións máis alto dun mes de abril desde que hai rexistros, con 1.087.434.
Como exemplo deste firme compromiso, sinalou a vontade da Xunta de institucionalizar as mesas de Diálogo Social en Galicia en coordinación con todas as entidades que o conforman. Así, o Executivo galego Impulsará un decreto que permita regular tanto a composición como o funcionamento deste órgano, estruturando un traballo que, de facto, xa se está facendo da man de todos os axentes do tecido produtivo con máis de medio cento de reunións desde 2019 para abordar retos do mercado laboral como a cobertura de vacantes, a sinistralidade ou o absentismo e para afondar no impulso do emprego en sectores estratéxicos. Tamén neste marco deséñanse os criterios de actuación do Servizo Público de Emprego de Galicia, infórmase sobre a planificación das políticas activas de emprego e da súa programación e avalíase a situación do mercado laboral.
José González salientou ademais o papel fundamental que realiza o Consello Galego de Relacións Laborais no que tamén están representados sindicatos e asociacións empresariais de Galicia como órgano permanente de diálogo institucional.
Politicas activas de emprego
Durante a súa intervención, o conselleiro reafirmou que a participación institucional é clave para continuar xerando máis e mellor emprego de calidade e potenciar a folla de ruta que está a trazar a Galicia a través de dúas liñas complementarias: por unha banda, favorecendo a forza laboral interna e, en paralelo, promovendo a atracción de talento externo para facer fronte a desafíos como a cobertura de vacantes ou a remuda xeracional.
Tocante ao mercado interno, salientou medidas en marcha para conectar de xeito máis eficiente oferta e demanda como EMi, a ferramenta de intelixencia artificial implantada nas 54 oficinas de emprego de Galicia que xa permitiu o perfilado competencial de arredor de 54.000 persoas. Tamén resaltou o compromiso coa empregabilidade de colectivos prioritarios como mulleres, mocidade e parados de longa duración, co tecido autónomo e co pulo á formacion flexible e á carta das empresas, que se consolidará co futuro decreto de microcredenciais para o traballo. Xa no mercado externo, explicou que a Comunidade ten posto o foco prioritariamente na atracción dos galegos e galegas do exterior con medidas como as feiras de emprego celebradas na Arxentina e no Uruguai, ás que asistiron 3.500 persoas e avanza tamén no desenvolvemento de liñas dirixidas a traballadores de terceiros países, como o recente documento asinado con Colombia, Honduras, Ecuador e Paraguai para promover unha migración ordenada e coas máximas garantías. Ademais, lembrou demandas realizadas ao Goberno central relativas a cuestións como a flexibilización dos fondos finalistas de formación para o emprego e a necesidade fundamental axilizar os permisos de traballo, tamén dependentes do Goberno central, eido na que Galicia estuda por demandar as competencias.
As medidas impulsadas por Galicia, sinalou o conselleiro, son froito do consenso, un camiño, remarcou, ben diferente ao demostrado polo Goberno central na negociación de temas de gran calado, como a redución da xornada laboral.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
