viernes, 23 de octubre de 2026
O obxectivo da Xunta é mellorar e axilizar a xestión destas autorizacións, 'especialmente nas prazas de urxente cobertura', algo fundamental para executar as políticas de retorno que axuden a facer fronte ao reto demográfico, a despoboación de certas zonas do rural e a falta de man de obra en sectores claves coma a agricultura, a construción, o turismo ou o eido sociosanitario.
O presidente salientou que outras comunidades como Cataluña xa teñen transferidas estas competencias e o Estado iniciou os trámites para efectuar este traspaso no País Vasco. Por iso, a Xunta solicitará ao Consultivo un informe para certificar se esta transferencia encaixa no ordenamento autonómico e xurídico e avanzar na reclamación oficial para poder asumir tamén estas funcións.
Esta decisión enmárcase no obxectivo da Xunta en 'reclamar competencias que poidan mellorar a vida da xente', que os galegos demanden e que 'poidan ser mellor xestionadas desde o ámbito autonómico'. Nesta liña, Rueda indicou que a Xunta traballa para ampliar o teito competencial da comunidade, negociando 'a xestión compartida das alertas meteorolóxicas', insistindo 'no rescate e transferencia da AP-9' ou esixindo 'a coxestión do Ingreso Mínimo Vital'.
A primeira etapa da xira de A Gaivota, ensaio aberto desenvolveuse do 12 ao 15 de outubro na sala Atahualpa do Teatro El Galpón de Montevideo, en coprodución con esta institución e no marco do Festival Internacional de Artes Escénicas de Uruguai, FIDAE. O programa comprendeu sete representacións nas que Déborah Vukuić compartiu escenario con Camila Durán e Claudia Trecu, que entraron no lugar das actrices galegas Uxía Suevos e Mercedes Castro. A magnífica resposta do público uruguaio contou cunha destacada presenza da comunidade galega, que converteu as funcións nun espazo de encontro arredor da lingua e da creación escénica de Galicia. Esta acollida precede a chegada á Arxentina, onde Déborah Vukuić compartirá escenario coas actrices locais Eugenia Alonso e Carmela Rivero.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
