miércoles, 14 de octubre de 2026
O director xeral de Cultura, Anxo M. Lorenzo, participou hoxe na presentación do calendario das Feiras do Libro de 2025, no que colaboran a Xunta de Galicia e a Federación de Librarías de Galicia. Grazas a el, un total de 13 municipios encherán as súas rúas de libros desde finais de abril ata finais de agosto.
Este ano, o calendario levará a cidades das catro provincias galegas multitude de propostas lúdicas para o público de todas as idades. Durante a celebración destas citas haberá presentacións, sinaturas de libros, coloquios, mesas redondas, actividades infantís e debates, entre outras actividades.
Baixo o título Onde florecen os libros, a cita inaugural será en Ferrol, do 25 ao 27 de abril. A Feira do Libro de Santiago de Compostela celebrarase do 3 ao 11 de maio; en Lugo do 13 ao 17 de do mesmo mes, e no Porriño do 29 de maio ao 1 de xuño. No mes de xuño, Redondela acollerá a súa feira do día 12 ao día 15, mentres que en Ourense será do día 18 ao día 21. Xa no mes de xullo, Vigo abrirá o día 1, prolongándose ata o día 7, continuando en Ponteareas desde o día 10 ata o 13 e en Rianxo do día 24 ao 27 de xullo. Finalmente, en agosto as Feiras do Libro viaxarán ata A Coruña do día 1 ata o 10, a Viveiro do día 12 ao 15, a Foz do día 16 ao día 19 e rematarán en Monforte de Lemos do día 20 ao 23 de agosto.
Así se expuxo durante a presentación na Cidade da Cultura, onde o representante da Consellería de Cultura, Lingua e Xuventude aproveitou a ocasión para poñer en valor o convenio que se ratificou coa Federación de Librarías de Galicia para o impulso do sector libreiro a través da convocatoria destas feiras. Ademais, enxalzou o cartel deste ano que, elaborado por María Lapido, é unha ilustración que se inspira no lema elixido, onde os libros e os lectores comparten espazo coa natureza e agroman desde o chan como as flores.
Aumenta o número de lectores e de compras
Neste senso, o director xeral remarcou o papel que xogan as librarías na nosa Comunidade que tal e como constata o recente informe avaliado polo Consello da Xunta seguen a manterse como espazo principal onde os galegos e galegas mercan os seus libros. Tal e como apuntou Anxo M. Lorenzo o sector está a vivir un gran momento xa que un 67,4% da poboación galega mercou algún libro no último ano, o que supón case 10 publicacións por persoa.
No marco deste estudo sinalou que máis do 97% da poboación maior de 14 anos le de xeito frecuente dando conta de que as políticas do Goberno galego vencelladas ao sector libreiro e coa dinamización da lectura están a funcionar. Deste xeito, esta análise pon de manifesto que debemos seguir impulsando este tipo de citas das que se nutren escritores, editoriais, librarías e lectores, incidiu.
O conselleiro de Presidencia, Xustiza e Deportes, Diego Calvo, informou esta mañá de que o Consello deu luz verde aos textos 'dos estatutos das mulleres do rural e do sector marítimo-pesqueiro de Galicia', que entran así na súa última fase de tramitación coa súa remisión ao Consello Consultivo para que emita o informe preceptivo 'e estean aprobados a finais de ano'. Este trámite, que coincide coas vésperas do Día Internacional das Mulleres Rurais -que se conmemora cada 15 de outubro- busca 'avanzar no recoñecemento das mulleres' destes eidos e 'mellorar o seu acceso a novas oportunidades e recursos'. Ambos documentos buscan ademais, tal e como explicou Calvo, visibilizar a súa contribución ao desenvolvemento territorial; garantir o seu acceso en igualdade a dereitos, oportunidades e recursos; fomentar a contratación feminina en profesións masculinizadas ou impulsar a titularidade compartida en explotacións e embarcacións.
A economía galega medrará catro décimas máis do previsto hai un ano, cando se elaboraron os orzamentos vixentes. Así se desprende do Informe sobre as previsións macroeconómicas que se incluirán nos orzamentos da Xunta de Galicia para o ano 2027, elaborado polo Instituto Galego de Estatística (IGE) e que hoxe foi avalado pola AIReF. Deste xeito, segundo constata o documento, Galicia medrará máis do previsto para este ano. Non en van, se en xullo, cando se aprobou o teito de gasto non financeiro, a Comunidade xa mellorou a previsión de crecemento que estaba nos orzamentos para este ano en dúas décimas, pasando do 1,9 % ao 2,1 %, agora volve a facelo, mellorando noutras dúas décimas (ata o 2,3 %) a previsión para o peche de 2026.
