miércoles, 11 de noviembre de 2026
O secretario xeral da Lingua, Valentín García, participou hoxe na inauguración da exposición Cantareiras. Oralidade Creación Transmisión, na mostra impulsada polo Museo do Pobo Galego, no marco das homenaxes das Letras Galegas 2025.
A mostra, que se pode visitar ata o 28 de setembro, salienta o papel das mulleres que, a través da súa voz, foron vehículo de transmisión da poesía popular oral galega ao longo das xeracións. No acto, o representante da consellería de Cultura, Lingua e Xuventude puxo en valor o protagonismo destas mulleres como creeadoras e transmisoras dun dos piares fundamentais da nosa cultura inmaterial, subliñando tamén a súa capacidade para manter viva a lingua galega en espazos e tempos nos que non sempre foi recoñecida.
Neste senso, Valentín García tamén agradeceu o labor do Museo do Pobo Galego e das entidades que colaboraron nesta iniciativa, salientando a importancia de actos coma este para reivindicar o valor do galego como lingua de creación, de comunidade e de memoria compartida.
A exposición, reúne fondos sonoros do Arquivo do Patrimonio Oral da Identidade do propio museo, material gráfico e documental, así como pezas cedidas por particulares. A proposta museográfica artéllase arredor da cadea de transmisión oral e incorpora unha perspectiva de xénero para recoñecer os espazos, formas e persoas que fixeron posible a conservación deste legado.
O acto contou ademais cunha intervención musical das cantareiras Rosario e Carme das Marías, nai e filla, integrantes do grupo Raigañas, que emocionaron ao público coa súa interpretación.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
