jueves, 29 de octubre de 2026
A rede de farmacias sentinela, que nesta campaña están a remitir os seus datos á Dirección Xeral de Saúde Pública, reflicte que a taxa de dispensación de antigripais e probas de antíxenos descendeu respecto da semana anterior.
En canto aos ingresos hospitalarios, na semana 14 do ano ingresaron 191 persoas con gripe confirmada, un 1 % menos que na semana anterior (193). A taxa de ingresos no conxunto da poboación foi de 7,1 por 100.000 habitantes, sendo o grupo de 80 e máis anos o único no que a taxa aumentou. En canto ás áreas sanitarias, a taxa de ingresos só aumentou na de Ourense, Verín e O Barco de Valdeorras, e moi lixeiramente na de Santiago de Compostela e Barbanza.
No que vai de tempada, notificáronse 3.297 ingresos por gripe, a maioría deles, 2.883, con virus do tipo A.
Respecto da positividade das mostras estudadas para virus do tipo A, foi do 14,2 %, o que supón un descenso respecto da semana anterior (15,3 %). A positividade das mostras estudadas para virus do tipo B foi do 0,4 %, polo que a positividade dos virus da gripe foi do 14,6 %, inferior á da semana anterior (16 %).
O informe de actividade das infeccións respiratorias agudas indica que ingresaron 14 persoas con covid confirmada, un 39 % menos que na semana previa (23 ingresos). Por grupos de idade, a taxa non aumentou en ningún deles e en relación ás áreas sanitarias, observouse certa estabilidade, con lixeiro ascenso na área de Pontevedra-O Salnés.
Estimación
Segundo se recolle no informe, a estimación puntual do modelo de predición suxire que nas vindeiras dúas semanas a taxa de consultas por gripe descenda de 25,8 consultas por 100.000 habitantes a 22,5 e 20,1 nas semanas 15 e 16.
O escenario desta semana amosa unha tendencia decrecente da actividade gripal, observándose unha diminución da taxa de consultas do 22,2 % en comparación coa semana previa.
Polos datos deste informe, consolídase a tendencia decrecente da actividade gripal, que descendeu un 53,6 % nas últimas seis semanas, cun descenso medio semanal do 9 %. De seguir con esta tendencia, é posible que na vindeira semana se acade o nivel basal e se poida dar finalizada a onda de gripe.
A Xunta lembra a recomendación do uso da máscara en pacientes con síntomas respiratorios, ademais dos seus acompañantes e visitas, e no caso dos profesionais que os atenden, así como en determinados grupos de risco ou dispositivos asistenciais como poden ser as urxencias hospitalarias.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
