sábado, 14 de marzo de 2026
Precisamente, para xestionar esta presenza de Galicia na Expo Universal de Osaka, Turismo de Galicia publicou hoxe na plataforma de contratación a licitación a través da que se contratarán os servizos de desprazamento, aloxamento, traslados, manutención e seguros das persoas que irán nesa delegación.
Nesta ocasión, a Exposición Internacional xirará arredor da innovación e o porvir sostible, ampliando o enfoque á renomeada cultura e hospitalidade de Xapón para deseñar unha sociedade futura. A participación española estruturarase arredor do Pavillón de España, unhas instalacións deseñadas baixo as claves de Océano e Sol coas que se quere aludir á condición de península do país, tan imbricada na identidade nacional.
Mercado xaponés
A presenza da delegación galega na Expo de Osaka quere tamén incentivar a difusión da oferta turística de Galicia entre a poboación de Xapón, ao presentar valores tan representativos da comunidade coma a cultura musical e a gastronomía. O mercado xaponés resulta un activo de especial interese dentro da estratexia de internacionalización turística da rexión, cunha tendencia á alza nos últimos tempos.
Con algo máis de 10.814 viaxeiros que fixeron 16.521 noites en 2024, estas cifras superan levemente os valores do anterior 2023, arredor dun 5%. O volume total de gasto do mercado xaponés situábase por riba dos 3,1 millóns de euros en 2023, co que se supera amplamente o total computado no ano anterior, próximo aos 1,3 millóns de euros.
No que se refire ao Camiño de Santiago, en 2024 rexistráronse 1.473 compostelas de peregrinos procedentes de Xapón, cifra que supera nun 8,4% o dato do anterior 2023. Xapón sitúase en cuarto lugar no ranking de países asiáticos, por detrás de Corea, Taiwán e China. Maio-xuño e setembro-outubro son os meses de maior afluencia de peregrinos de Xapón.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
