sábado, 20 de junio de 2026
Nesta edición da Residencia literaria participarán como convidadas, entre outras, a dramaturga, escritora e narradora oral Paula Carballeira, Premio Nacional de Literatura Dramática en 2023, e Inés Martín Rodrigo, xornalista e escritora galardoada co Premio Nadal de novela en 2022.
Poderán presentarse a esta convocatoria novelas, poemarios, obras dramáticas e coleccións de relatos, orixinais e inéditos, con independencia do seu estado de desenvolvemento. Para favorecer o traballo e posta en común, os proxectos non poderán ter aplicado a ningún premio literario no momento da inscrición nin durante a celebración da residencia.
A participación está dirixida a persoas nadas ou residentes en Galicia e o prazo de inscrición está aberto ata o 4 de abril de 2025. A residencia desenvolverase entre os días 30 de xuño e 12 de xullo de 2025 na Cidade da Cultura, cos gastos de aloxamento e manutención cubertos pola organización.
Mellorar a escrita e aprender a publicar
A V Residencia literaria busca facilitar tamén ás autoras e autoras noveis un coñecemento total do mundo do libro, abordando cuestións fundamentais como os dereitos de autoría, a edición, a distribución e o coñecemento do sistema literario. Traballarase con profesionais do sector aspectos como a presentación dunha obra a unha editorial, a análise de contratos ou a promoción dos libros. A experiencia completarase con actividades como roteiros literarios e maridaxes lectoras.
A posta en común de prácticas e coñecementos nun espazo de aprendizaxe e confianza mutuo segue a ser o piar fundamental dun proxecto que iniciou o escritor e profesor de escritura creativa Javier Peña en 2021, e polo que pasaron xa medio cento de escritoras e escritores.
Neste tempo, participaron na Residencia literaria da Cidade da Cultura figuras destacadas da literatura galega actual como Berta Dávila, Ledicia Costas, Marilar Aleixandre ou Brais Lamela, así como as autoras Sara Mesa, Marta Sanz, Brenda Navarro e Irene Solà, todas elas escritoras sobresaíntes nas letras españolas. Ademais, son xa cinco os proxectos de narrativa que ocupan os andeis das librarías logo do seu paso pola Residencia literaria da Cidade da Cultura.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
