miércoles, 22 de abril de 2026
Rueda lembrou que a prioridade de Galicia non é a mutualización dunha débeda que pode asumir, senón un financiamento autonómico que permita financiar os servizos públicos e garantir a súa calidade. Neste sentido, Rueda lembrou que cada mes o Goberno de España non actualiza as entregas a conta, Galicia ten 127 M menos, urxindo a poñer estas cifras ao día canto antes.
Compromiso coa vivenda pública
Durante o debate, o presidente do Goberno galego tamén lembrou que a vivenda está a ser un eixo de goberno nesta lexislatura co compromiso de cumprir co obxectivo de dobrar o parque público de vivenda, de 4000 a 8000.
Con este obxectivo, Rueda lembrou que a Xunta xa ten en marcha máis de 2000 vivendas, ten triplicado o orzamento dedicado a este fin, traballa en medidas específicas para axudar á xente moza a adquirir a súa primeira vivenda, colabora coa iniciativa privada e puxo en funcionamento a Sociedade de Vivenda Pública de Galicia.
Inspirada no Camiño da Traslatio, Saias do mar é un espectáculo de danza contemporánea que homenaxea a muller galega como forza ancestral ligada ao mar. A peza transforma o corpo nun territorio fluído e propón unha lectura coreográfica do feminino como memoria viva e indómita, depositaria dunha herdanza espiritual e simbólica, vencellada á ruta sagrada que trouxo o corpo do apóstolo Santiago por vía marítima ata estas terras. Juan Miguel Hernández é o autor da coreografía desta montaxe dirixida por Nerea Andrés, e ambos forman tamén parte do elenco xunto a Dayron Rodríguez, Irene Lorenzo, Laura Pereiras, Lucía Fontenla, Alba Fariña e Zoe Amor. A proposta, de 40 minutos de duración e pensada para poder executarse en todo tipo de espazos, complétase cunha selección musical de Rosa Cedrón, Daniel Minimalia e Luar na Lubre, vestiario de Santos Salgado e atrezzo de Elva Bernat.
O presidente da Xunta informou de que a Xunta vén de solicitar ao Goberno central 'que suspenda de inmediato a reforma do Regulamento de Costas' porque 'invade competencias exclusivas de Galicia e vulnera os dereitos dos titulares de concesións do litoral'. O Goberno autonómico lembra que, nos termos actualmente previstos, este regulamento non se adecuaría ás exixencias da Comisión Europea nin ao propio Dereito comunitario.
