viernes, 16 de octubre de 2026
A Xunta de Galicia organiza un escape room para escolares de sexto curso de Educación Primaria de Lugo arredor da figura de Castelao, que se desenvolverá na Biblioteca Pública entre o 10 de marzo e o 21 de abril.
O delegado territorial, Javier Arias, presentou hoxe a iniciativa, que combina xogo e literatura para implicar aos rapaces e rapazas na celebración do Ano Castelao, resolvendo misterios e retos baseados nos seus textos, ilustracións e ideais. No acto participaron tamén o director territorial da Consellería de Cultura, Lingua e Xuventude, Manuel Antonio Fernández; a xefa do Servizo de Coordinación Cultural, Águeda Valín, e a directora da Biblioteca, María Isabel Pérez.
Arias destacou a boa acollida que está a ter a proposta entre os colexios do municipio, con trece centros anotados ata o momento. O prazo de inscrición remata o vindeiro venres, día 28.
Pescudando en Castelao. O tesouro das cousas propón un xogo de pistas que cada grupo de alumnos deberá resolver no prazo dunha hora. Os participantes, "detectives literarios", deberán adentrarse na Biblioteca para descifrar unha serie de enigmas baseados na vida e obra de Castelao. A meta é descubrir unha mensaxe oculta que o autor deixou nos seus escritos e debuxos, e só superando todos os pasos poderán desbloquear a mensaxe final antes de que remate o tempo.
O obxectivo do xogo é transmitir ás novas xeracións a relevancia da obra de Castelao e potenciar o interese pola literatura galega, constatando o seu importante papel na consolidación da identidade cultural de Galicia.
O proxecto parte da Dirección Territorial de Cultura e da Biblioteca Pública para fomentar o uso deste espazo como centro cultural entre a mocidade, cunha experiencia que reforza o traballo en equipo e estimula as habilidades para a resolución de problemas. Podería estenderse no futuro a outros puntos da provincia en función dos resultados que se obteñan nesta convocatoria.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
