viernes, 16 de octubre de 2026
Neste sentido, a Xunta reclamará ao Goberno nesta reunión a actualización inmediata das entregas a conta para que Galicia ingrese as cantidades que se lle deben en función dos tributos que pagan os cidadáns en cada territorio, algo para o que non é preciso ter aprobados os Orzamentos.
Segundo lembrou o presidente, as CC.AA. están a recibir unhas entregas a conta prorrogadas, calculadas a partir da previsión de ingresos do ano 2023, o que supón que cada mes que pasa sen que se actualicen, reciban 1.802 millóns de euros menos do que lles correspondería.
O atraso destas entregas o ano pasado provocou tensións de liquidez na Tesourería da Comunidade galega ás que se tivo que facer fronte con créditos que xeraron custes financeiros de máis de 10 millóns de euros.
A situación estase a repetir este ano, coa falta de Orzamentos Xerais e a negativa do Goberno central a tramitar a actualización das entregas a conta mediante Real Decreto-Lei, o que podería supoñer 14 millóns de euros máis en gastos financeiros ao final de ano. Como consecuencia, a Xunta pedirá a compensación dos custes financeiros nos que se incorre.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
