martes, 9 de junio de 2026
O conselleiro de Sanidade, Antonio Gómez Caamaño, salientou hoxe que, na actualidade, preto de 6.000 pacientes cardiolóxicos reciben asistencia a domicilio a través da plataforma TELEA, cuxo enfoque integral fai única esta ferramenta tecnolóxica a nivel internacional, tanto no ámbito sanitario como no socio-sanitario.
O titular de Sanidade do Executivo galego interveu esta tarde, de xeito telemático, na inauguración do VI Simposio de Innovación en Cardioloxía, que organiza o Servizo de Cardioloxía do Hospital Público Álvaro Cunqueiro de Vigo.
Gómez Caamaño subliñou que o Servizo Galego de Saúde ten implantada en todas as áreas sanitarias a interconsulta electrónica en cardioloxía, unha ferramenta que favorece a conexión directa entre profesionais de atención primaria e hospitalaria e facilita o seguimento ou derivación do paciente cando sexa estritamente necesario.
Incidiu en que o Complexo Hospitalario Universitario de Vigo é punteiro no campo da Cardioloxía e puxo en valor a aposta decidida do departamento sanitario galego pola tecnoloxía máis innovadora, consolidando, deste xeito, o uso da telemedicina en todo o Servizo Galego de Saúde.
Outras iniciativas
Xunto aos avances de seguimento de pacientes crónicos cardiolóxicos a través da plataforma TELEA, Gómez Caamaño remarcou tamén que no mes de decembro Galicia se converteu na primeira comunidade española en integrar os seus servizos de emerxencias sanitarias coa aplicación móbil Ariadna, co fin de incrementar a taxa de supervivencia á parada cardíaca en espazos públicos.
Ademais a Xunta implantou en novembro un protocolo unificado de asistencia para reducir a mortalidade nos casos de shock cardioxénico, sendo a primeira comunidade en crear unha rede asistencial e protocolizar esta atención. A este respecto o conselleiro explicou que desde 2016 o Servizo Galego de Saúde atendeu máis de 3.100 pacientes con esta patoloxía.
Gómez Caamaño rematou a súa intervención incidindo en que todos estes avances en materia de innovación se traducen nunha sanidade pública excelente, grazas aos profesionais e aos servizos de cardioloxía, que teñen moito que ver neles, contribuíndo, deste modo, a mellorar a vida dos pacientes.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
