domingo, 25 de octubre de 2026
A Universidade de Castilla-La Mancha abre o martes 11 esta edición do festival. Primeiro será a quenda da Facultade de Belas Artes coa acción performativa Querida María, de Marina Álvarez, e seguiralle o grupo de investigación ARTEA con Susurro de nudos, de Tzu-Han Hung.
O mércores 12 será a Aula de Teatro da USC quen represente Agamenón, volvín do supermercardo e deille unha malleira ao meu fillo, de Rodrigo García, unha obra cunha duración de 45 minutos.
Nuojauta (Consello) é a obra coa que o Estudio Teatral Palépé da Universidade Vilnius Gediminas de Lituania intervén no festival o xoves 13. A peza, de 75 minutos de duración, desenvólvese en lingua lituana subtitulada en galego.
Trabajos de amor perdidos é a obra (105 minutos) coa que In Vitro Teatro da Universidade de Xaén intervén no festival o venres 14. Finalmente, a escola de teatro TeatrUBI da Universidade da Beira Interior de Portugal pecha o festival coa representación de Nó_cego, de Rui Pires, unha peza de 45 minutos en lingua portuguesa.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
