martes, 22 de septiembre de 2026
Estará acompañado por Seor (Beatriz López), autora do primeiro graffiti feito en Galicia en 1984 na cidade de Pontevedra, e os comisarios e investigadores no ámbito do graffiti contemporáneo, Amabel González Troncoso e Balu. A entrada é libre e de balde ata completar a capacidade da sala.
O tagging como forma de expresión
Darryl McCray adoptou o seu alcume na adolescencia, pola nostalxia do pan de millo que lle facía a súa avoa durante o tempo que estivo internado nun centro de menores. Con ese nome pintou primeiro a súa camisa e logo as paredes, marcando, sen sabelo, o inicio do tagging e do graffiti moderno en 1965, un fenómeno que se expandiu de Filadelfia a Nova York e de aí ao resto de Europa e do mundo.
Cornbread non só empregaba unha caligrafía moi característica ao deixar o seu nome nas rúas, senón que foi dos primeiros en incorporar elementos que logo se farían populares entre os escritores de graffiti, como a coroa.
No libro Cornbread the Legend - Graffiti in Philadelphia (1965-1971), editado por Maxitype en 2024, reúnense recortes de xornais, debuxos, fotografías e entrevistas que axudan a entender a influencia e o legado do estadounidense, non só no graffiti senón tamén noutros movementos urbanos como o Hip-Hop.
Entre as anécdotas e momentos decisivos que conta o libro está o errado anuncio da morte de Cornbread que fixo a prensa local en 1971, ao cal o artista respondeu cunha serie de accións espectaculares como pintar Cornbread lives (Cornbread vive) cun aerosol sobre un elefante no zoo de Filadelfia. Estes feitos tiveron tanta repercusión que catapultaron á fama pública a unha figura que ata entón permanecera no anonimato.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
