viernes, 25 de septiembre de 2026
O presidente da Xunta, Alfonso Rueda, destacou hoxe que Galicia é, por segundo ano consecutivo, a comunidade con maior taxa de matriculación entre 0 e 3 anos, cun 60,5%, segundo os datos de escolaridade do curso 2023/24 do Ministerio de Educación. Deste xeito recóllese nun informe da Consellería de Política Social e Igualdade que hoxe abordou o Consello da Xunta e no que se constata que este liderado evidencia o impacto positivo do programa da gratuidade nas escolas infantís.
Tal e como explicou o presidente, a taxa do 60,5 % sitúa Galicia trece puntos por riba da media nacional e tamén supón trece puntos máis que antes da implantación da gratuidade, que se comezou a desenvolver no curso 2019/20.
Así mesmo, Galicia cumpre sobradamente o obxectivo da Unión Europea de acadar o 45 % de escolarización no 2030. Polo tanto, seis anos antes de chegar a esa data, a comunidade galega xa supera en máis de 15 puntos este obxectivo. Rueda resaltou que Galicia se sitúa entre as rexións europeas con maior taxa de matriculación nesta franxa de idade, cuns niveis de escolarización equiparables aos países con maiores índices de benestar do mundo. Así, segundo o último informe da OCDE Panorama da Educación, o país europeo coa maior taxa 0-3 no 2022 era Noruega cun 58,9 %, por debaixo da que actualmente ten Galicia.
As familias escollen o centro que prefiren
O informe exposto hoxe en Consello sinala ademais que os primeiros meses do curso 2024/25 transcorreron con normalidade e sen incidencias significativas. Este curso ofértanse ás familias galegas máis de 32.000 prazas coa atención educativa gratuíta en todas as escolas infantís de Galicia: as públicas, as de iniciativa social e as privadas. Isto permítelle ás familias escoller a escola que prefiran e aforrar unha media de 3.000 euros cada curso.
Rueda lembrou que o Goberno galego destina máis de 65 millóns de euros ao programa de gratuidade neste curso escolar, o que permite que por terceiro ano consecutivo as familias galegas non paguen nada pola atención educativa dos seus fillos. Trátase dun investimento que a Xunta asume en solitario porque, a día de hoxe, o Goberno central segue sen colaborar coa gratuídade.
Jannis Kounellis é un dos artistas fundamentais da historia da arte da segunda metade do século XX. Foi obxecto de grandes exposicións retrospectivas na Fondazione Prada, Venecia (2019), e no Museo Jumex, Cidade de México (2023). Entre as súas exposicións individuais institucionais destacan as do Musée dArt Moderne de la Ville de Paris (1980), Whitechapel Gallery, Londres (1981), Castello di Rivoli, Turín (1988), Stedelijk Museum, Ámsterdam (1990), Museo Nacional Centro de Arte Reina Sofía, Madrid (1996), Albertina, Viena (2005), Neue Nationalgalerie, Berlín (2007), MACRO, Roma (2016), Walker Art Center, Minneapolis (2022) e Museo Jumex, Cidade de México (2023).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
