lunes, 14 de septiembre de 2026
A delegada territorial da Xunta de Galicia en Vigo, Ana Ortiz, participou este mércores na presentación do evento Gastro Movida Summit 2024 que se celebrará no Tinglado da Autoridade Portuaria os próximos 25, 26 e 27 de novembro para converter a cidade en capital da gastronomía e promover o turismo.
A representante autonómica salientou que "as bases de Gastro Movida son moi sólidas e o seu potencial é inmenso, creo nas súas posibilidades de crecemento porque se adapta ao que Vigo é e ao que Vigo necesita, unha cidade na que a gastronomía tomou un papel protagonista nos últimos anos a todos os niveis". Ademais, apuntou que Vigo "ten todos os elementos necesarios para converterse no punto de referencia nacional para todos os profesionais do sector" e o evento é a "panca perfecta para difundir contidos de valor" da industria da gastronomía.
Ana Ortiz estivo acompañada durante a presentación da vicepresidenta da Deputación de Pontevedra, Luisa Sánchez, e do presidente da Autoridade Portuaria de Vigo, Carlos Botana, ademais de algúns dos mellores cociñeiros da cidade, como Rafa Centeno, e representantes do CIFP Manuel Antonio e da escola Harina Blanca, entre outros.
O director de Gastro Movida, David Suárez, indicou que hostalería, produtores, distribuidores e profesionais doutras áreas expertos no sector estarán presentes nun congreso que promove, por encima de todo, o networking real, xa que se trata dun punto de encontro para crear sinerxias e negocio entre empresas e organizacións.
Pola súa banda, Luisa Sánchez, que puxo en valor unha cita que, en tan só tres anos, xa se converteu nun imprescindible do calendario de congresos vigués e que, estou segura, ten un gran futuro por diante. Na súa intervención, a vicepresidenta lembrou que a cidade ten o mellor produto que existe e os chefs con máis talento.
Gastro Movida Summit contará con 24 accións, showcookings, obradoiros de coctelería, competición de startups e máis de 80 relatores, entre os que destacan 5 chefs Estrela Michelín como Pepe Solla, de Casa Solla; Rafa Centeno, de Maruja Limón; Alberto G. Preclic, de Silabario, e Lydia del Olmo e Xosé Magalhaes, de Ceibe.
Tamén asistirán sumilleres de primeiro orde no panorama nacional como Tomás Ucha, de DiverXo (3 Estrellas Michelín); Ebelia Mora, de Pepe Vieira (2 Estrellas Michelín), Esther Daporta, de Yayo Daporta (1 Estrella Michelín), Estefanía Rodríguez Alves, de Culuca; ou Carlos Taboada, de Hotel Santo Mauro Madrid.
A novena edición do WOS Festival x SON Estrella Galicia reunirá 26 proxectos de música electrónica e experimental contemporánea, con propostas que transitan pola composición electroacústica, a música de club, a improvisación, a performance audiovisual e diferentes formatos híbridos. A programación destaca ademais pola súa dimensión internacional e polo carácter inédito de boa parte das propostas. Así, 13 dos 26 proxectos da programación principal chegarán a Santiago sendo estreas en España. Entre eles figura a presentación mundial do novo concerto audiovisual de Blood of Aza.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
