sábado, 15 de agosto de 2026
Así, segundo destacou, o Plan de intensificación asistencial posto en marcha pola Xunta no ano 2023 acadou notables resultados, tanto en actividade como en mellora dos tempos de resposta. Ao respecto, a representante da Consellería de Sanidade sinalou que, no ámbito hospitalario para a atención ao paciente crónico, en xornada ordinaria este plan supuxo preto de 170.000 consultas o pasado ano, case 11.000 máis que o anterior.
No que atinxe aos hospitais comarcais, a intensificación da actividade supuxo incrementar máis dun 6% a actividade ordinaria e máis dun 33% a actividade extraordinaria nestes centros no pasado ano.
Incremento actividade de tarde
Natalia Lobato puxo en valor, tamén, o incremento do rendemento asistencial en xornada de tarde, que achegou notables resultados no período 2021-2023. Dese xeito aumentou un 40% a actividade en cirurxía, o que supuxo 7.800 operacións máis de tarde; un 38% en consultas externas, con 158.600 consultas máis que no 2021; e en probas diagnósticas máis de 61.300, o que representa un incremento do 18% con respecto a 2021.
Segundo indicou, a actividade na xornada de tarde foi superior á media no caso da Área Sanitaria de Pontevedra e O Salnés, onde o incremento de cirurxías foi do 57,8%. Así, nesa área realizouse en 2023 un total de 41.862 consultas en xornada de tarde, o que representa 9.728 máis que en 2021, e case 4.000 probas diagnósticas máis, acadando o total de 22.724 probas realizadas en xornada de tarde no ano 2023.
Natalia Lobato dixo que o obxectivo da Consellería de Sanidade é seguir por este mesmo camiño, con maior produtividade e rendemento, e utilizando todos os recursos públicos dispoñibles coa máxima capacidade de resolución.
A secretaria xeral da Consellería de Sanidade asegurou que a licitación do acordo marco para a prestación dos servizos sanitarios na área sanitaria de Pontevedra e O Salnés dá cumprimento ás recomendacións do Consello de Contas.
Natalia Lobato asegurou que este acordo marco lle permitirá ao Sergas garantir unha asistencia adecuada á poboación, empregando todos os mecanismos ao seu alcance, e salvagardando a súa prestación nas condicións de calidade esixibles ao sistema público de saúde de Galicia. Así mesmo, establécense diversos mecanismos de avaliación e seguimento sobre a actividade contratada.
O Proxecto Xenoma Galicia, que procura detectar variantes de risco para enfermidades hereditarias graves como o cancro de mama e ovario, a síndrome de Lynch ou a hipercolesterolemia familiar, xa permitiu detectar 42 persoas positivas entre as 2.504 mostras que se levan analizado. Este programa pioneiro de cribado xenético acada 2.504 mostras analizadas ata o de agora dos 4.261 participantes reclutados ata o momento, rexistrando unha taxa de positividade do 1,7 %. En decembro do ano 2024, botaba a andar o programa coa posta en marcha de dúas probas piloto, consistentes na recollida de mostras de sangue e de saliva.
O Festaclown volve a converter Vilagarcía de Arousa nun dos puntos de referencia do circo e das artes de rúa en Galicia, entre o 17 ao 22 de agosto, cunha programación que nesta edición reforza especialmente a súa dimensión internacional e o seu compromiso coa inclusión. Compañías e artistas procedentes de Colombia, Arxentina e Australia compartirán cartel con destacadas formacións galegas e do resto do Estado nun programa para todos os públicos que se desenvolverá fundamentalmente ao aire libre en rúas, parques e prazas da cidade.
