jueves, 12 de marzo de 2026
Nel preténdese pór de manifesto a saúde financeira destes grandes concellos, unha tarefa, apunta o responsable da análise, que non é fácil, dada a casuística fiscal local. O documento repousa na análise de cinco indicadores de solvencia financeira: necesidade ou capacidade de financiamento; remanente de tesourería; importe de pagos pendentes a provedores; débeda entre os ingresos correntes e remanente entre os ingresos correntes.
Indicadores moi distintos
Segundo recolle o informe, a pesar de ser todos catalogados como concellos de gran poboación, os indicadores de solvencia financeira resultan moi distintos para o sete grandes cidades de Galicia. Así, detállase nel, a necesidade/capacidade de financiamento per cápita en 2022, indicador que permite sinalar se as entidades locais se poden financiar con recursos ordinarios ou se, pola contra, se ven obrigadas a endebedarse, oscila entre os -59,9 e -47,2 euros (en ambos os casos de necesidade) dos Concellos de Lugo e Ourense e os 78,3 euros (de capacidade) de Santiago de Compostela.
Polo que respecta ao remanente de tesouraría, que permite determinar a capacidade económica das entidades locais para poder enfrontarse ás débedas ao final do exercicio económico, no informe sinálase que en 2022 o volume per cápita oscila entre os 1.168 euros do Concello de Ourense e os -21,4 euros de Santiago de Compostela. Con relación ao importe dos pagos pendentes per cápita, os concellos de Santiago de Compostela (117,4 euros) e Pontevedra (88,7 euros) encabezan a lista de grandes municipios con maior importe. A situación contraria dáse nos Concellos de Lugo (16,8 euros) e Vigo (25,4 euros).
En canto ao cociente entre débeda e ingresos correntes, ratio que permite determinar o número de veces que debería empregarse os ingresos correntes do exercicio para facer fronte ás débedas no medio e longo prazo pendentes, o informe recolle que o seu valor oscila entre o 0,1% do Concello de Vigo e o 22% da Coruña, o que permite sinalar o importante esforzo realizado pola cidade olívica en termos de solvencia. Considerando o cociente entre o remanente e os ingresos correntes, a análise destaca igualmente o forte aumento para o Concello de Ourense, que pasa do 19% en 2011 ao 53% en 2017 ao 118% en 2022. Este resultado, sinálase no informe, parece responder á dificultade para aprobar o orzamento na capital da provincia ourensá.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
