martes, 15 de octubre de 2024
A delegada territorial da Xunta en Vigo, Ana Ortiz, presentou este xoves en Gondomar unha nova edición do Outono Gastronómico en Turismo Rural 2024, a proposta de Turismo de Galicia para impulsar o turismo rural fóra de temporada. Durante a súa visita ao Pazo da Escola, un dos 77 establecementos galegos incluídos na campaña, a representante autonómica animou á cidadanía a participar nesta iniciativa.
Estamos ante propostas que combinan os paseos e descansos pola nosa naturaleza co mellor da nosa gastronomía, sinalou. A iniciativa desenvolverase desde este 13 de setembro ao 15 de decembro, coa intención de desestacionalizar e impulsar o sector do turismo rural que, ata xullo, se aloxaron máis de 100.000 persoas, o que supón un incremento dun 3% con respecto ao ano pasado.
En relación a esta edición de 2024 do Outono Gastronómico, sinalou que participan 77 establecementos de turismo rural, 31 dos cales ofertan a actividade Outono Plus, con propostas que van desde paseos a cabalo, descenso en canoa, sendeirismo, visitas culturais, e outras. Por provincias, A Coruña conta con 24 establecementos participantes; Lugo, con 23, e Ourense e Pontevedra con 15 establecementos cada un.
A delegada da Xunta destacou a variedade de propostas que poden elixir as persoas que queiran gozar desta experiencia desde o menú Outono gastronómico cun custe de 37,50/persoa; ou as que inclúen estadías na casa rural e oferta gastronómica como paquete Outono gastronómico por, 105/persoa en cuarto individual e 165/dúas persoas nun cuarto dobre; a fin de Semana Outono Gastronómico, 165/persoa nun cuarto individual, e 260/ dúas persoas en cuarto dobre; e a fin de Semana Familiar Outono Gastronómico, 310/dous adultos con 1 neno ou nena nun cuarto dobre con cama supletoria, e 360/dous adultos con dous nenos ou nenas en dous cuartos dobres.
Toda a información relativa ao Outono Gastronómico en Turismo Rural 2024 pódese descargar na web www.turismo.gal, onde figuran ademais, todos os establecementos participantes e os menús exclusivos de cada un.
A Xunta de Galicia xa executou o 100% dos fondos europeos recibidos para promover proxectos estratéxicos para o turismo vencellados ao Camiño de Santiago no marco do Plan nacional de sustentabilidade turística en destinos Xacobeo 2021. Un programa dotado de preto de 8,3 millóns de euros e que se inclúe no Plan Xacobeo NextGeneration deseñado polo Executivo autonómico. En concreto, o Plan nacional incluía o deseño por parte da Comunidade autónoma de proxectos tractores para o turismo, para o que a Xunta elaborou unha liña de axudas que impulsasen a posta en valor de elementos patrimoniais senlleiros vinculados ao Camiño de Santiago para dotalos de usos turísticos.
O premio está dotado con 16.000 euros e recoñece a contribución que fan persoas ou entidades á cultura galega, como é o exemplo desta agrupación musical. O xurado, composto por representantes do Goberno galego, das catro deputacións, das universidades galegas, da Real Academia Galega, o Instituto de Estudos Galegos Padre Sarmiento e da Fundación Otero Pedrayo, destacou o percorrido da Coral Ruada e o seu traballo na promoción da música tradicional, con múltiples discos gravados, publicacións escritas ou diferentes actividades arredor da cultura.
