miércoles, 16 de septiembre de 2026
Precisamente, unha das cuestións que cada vez está máis presente nestas accións formativas é a importancia de poñer en valor a materia orgánica, tanto a nivel particular como industrial. De feito, parte das charlas divulgativas estiveron dirixidas á veciñanza das distintas localidades co fin de recordar a transcendencia de apostar por esa posta en valor recorrendo á compostaxe doméstica, ao depósito dos residuos orgánicos no contedor marrón ou a unha combinación dos dous sistemas.
Con ese fin, os formadores de Sogama expuxeron as bondades do aproveitamento deses restos tanto desde o punto de vista medioambiental como desde o económico e o social e detallaron cales son os procedementos e a operativa a seguir en cada modalidade.
Neste sentido, a compostaxe doméstica céntrase na xestión dos restos orgánicos na propia vivenda, para o que é preciso que os participantes conten cun terreo no que colocar o composteiro, que debe estar en contacto directo coa terra para que funcione axeitadamente. De feito, é importante controlar cuestións como o osíxeno, a temperatura, a humidade e que a mestura do material garde un equilibrio entre seco e húmido. Deste xeito obtense un compost de alta calidade co que fertilizar plantas e cultivos nas hortas e xardíns.
No caso da compostaxe mediante o depósito dos residuos no contedor marrón, os usuarios deben levar a fracción orgánica a eses puntos de recollida fixados polos concellos para o seu posterior transporte a unha das catro plantas de compostaxe que ten Sogama ou, se o municipio está moi afastado delas, a unha das 13 de transferencia como paso previo ao envío a unha desas catro instalacións.
Recollida selectiva
A maiores dos aspectos relacionados cos residuos orgánicos, as accións desenvolvidas polos formadores da empresa pública insisten na importancia de mellorar as competencias da cidadanía na recollida selectiva e aclaran as dúbidas existentes sobre os contedores habilitados para cada tipo de refugallo. Neste sentido, lembran que o contedor amarelo é o destino dos envases de plástico, as latas e os briks; o azul é para o papel e o cartón; o iglú verde para o vidro; o marrón para a materia orgánica; e o xenérico, para a fracción resto.
Precisamente co obxectivo de axudar á sociedade a resolver inmediatamente calquera dúbida neste sentido, Sogama conta cun buscador que, máis aló de indicar o contedor de destino de cada residuo, proporciona explicacións adicionais e complementarias de interese para os usuarios.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
