domingo, 1 de noviembre de 2026
Nas reunións, os representantes de Saúde Pública de Galicia tamén solicitarán información sobre as doses de vacinas contra a varíola do mono das que dispón o Ministerio de Sanidade, así como se a súa subministración é inmediata.
Medidas da Xunta
Pola súa parte, no seu ámbito de actuación, a Dirección Xeral de Saúde Pública da Consellería de Sanidade está a tomar unha serie de medidas entre as que destaca a intensificación da campaña informativa que xa se estaba a levar a cabo para os profesionais e a cidadanía.
Así mesmo, o departamento sanitario galego recaptará aos pacientes que se vacinaron só cunha dose de vacina para que completen a pauta de inmunización, ademais de proceder á identificación das variantes dos casos de varíola do mono a través da secuenciación.
Xunto ao anterior, a Dirección Xeral de Saúde Pública intensificará a vixilancia epidemiolóxica desta enfermidade, así como o seu control e a prevención primaria, a través da vacinación dos contactos estreitos e grupos de risco.
A Dirección Xeral de Saúde Pública da Consellería de Sanidade quere mandar unha mensaxe de tranquilidade á poboación galega, posto que na nosa comunidade só se detectaron seis casos no que levamos do presente ano.
Así mesmo, Galicia conta cun sistema de vixilancia epidemiolóxica e control de enfermidades activo (detección precoz de casos e os seus contactos, PCR e secuenciación, que posibilita coñecer as variantes), ademais da prevención primaria a través de vacinación e medidas preventivas.
Por último, sinalar que, no que atinxe aos datos de vacinación, en Galicia vacináronse 1.420 persoas, 549 cunha dose e 871 con dúas dose. Ás 549 persoas con só unha dose tentaráselles recaptar para proceder á administración da segunda delas.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
