viernes, 6 de noviembre de 2026
Novas motobombas
Dentro do compromiso do Goberno galego por seguir mellorando e ampliando a dotación de medios do persoal da Consellería do Medio Rural co fin último de potenciar o servizo que se lle brinda a toda a poboación galega en materia de loita contra os incendios forestais, a comunidade autónoma contará un ano máis con arredor dunha trintena de medios aéreos contra o lume, entre os da Xunta e os que aporta o Estado, así como con preto de 380 motobombas.
Neste sentido, cómpre destacar a incorporación de 18 novas motobombas, distribuídas entre 15 distritos forestais das catro provincias, concretamente nos de Ferrol, Santiago Meseta-Interior, Barbanza, Fisterra, A Mariña, Fonsagrada-Os Ancares, Lugo-Sarria, Terra Chá, Valdeorras-Trives, Verín-Viana, A Limia, Deza-Tabeirós, O Condado-A Paradanta, Vigo-Baixo Miño e Caldas-O Salnés.
A renovación destes equipamentos contou cun orzamento de cinco millóns de euros e pretende reducir os danos que ocasionan os incendios forestais, ao mesmo tempo que se garante unha mellora na seguridade do persoal. Nesta liña, realizáronse 36 cursos teórico-prácticos nos distritos forestais aos que se asignaron estas motobombas, que estarán destinados aos bombeiros forestais condutores que manexarán estes vehículos.
Outras novidades
Outra das novidades do Pladiga 2024 é a creación de ata 44 novos puntos de auga para recarga de medios aéreos e terrestres. Deles, 24 serán construídos directamente pola Xunta e os 20 restantes poranse en funcionamento a través de subvencións para comunidades de montes veciñais en man común.
Cabe destacar tamén a entrada en servizo da nova base de medios aéreos de Verín-Oímbra, que mellorará sensiblemente a operatividade na zona fronteiriza con Portugal.
A maiores destas novidades, o dispositivo de extinción de incendios na nosa comunidade estará integrado por máis de 7.000 persoas, contabilizando tanto os profesionais propios da Xunta como os adscritos a outras administracións. Este ano aplícase xa de xeito efectivo o aumento do tempo de traballo de parte do persoal laboral da Xunta, que pasa a actuar durante sete meses, un mes máis que en 2023, de xeito que dous terzos dos profesionais antiincendios da Xunta xa están operativos todo o ano e o terzo restante estará operativo durante nove meses no ano 2026.
Outro dos plans que forman parte do Pladiga é o de Formación. Neste contémplanse ata 37 cursos en 553 edicións, con máis de 14.000 prazas, o que suporá superar as 150.000 horas de formación. Ademais, no apartado de concienciación cidadá, prevense cando menos 40 charlas dirixidas á poboación das parroquias PAAI.
Destacan tamén os avances tecnolóxicos relacionados coa instalación de móbiles, tablets e a aplicación Xeocode Lite (de xestión da información sobre lumes) nas motobombas do SPIF, o que mellorará a súa operatividade e permitirá, entre outras utilidades, facilitar datos sobre o posicionamento, en tempo real, dos medios dispoñibles.
En relación coa rede de vixilancia forestal, este ano increméntase en 24 o número de cámaras, en 12 localizacións diferentes, tres en cada unha das provincias. Así pois, amplíase a rede ata chegar ás 177 cámaras en 88 localizacións. Este servizo abrangue xa máis do 85% do territorio galego. Implantouse no ano 2018, coa finalidade de facilitar as tarefas de vixilancia do monte galego e a detección temperá dos incendios.
Á hora de establecer a localización concreta das cámaras, tívose en consideración o feito de que proporcionen cobertura visual das zonas nas que se rexistra unha maior actividade incendiaria, con especial atención ás Parroquias de Alta Actividade Incendiaria (PAAI) e ás zonas de alto risco de incendios (ZAR).
Todas estas medidas inciden na mellora da loita contra o lume, tanto a nivel preventivo como de extinción, cun traballo permanente e planificado a través do Pladiga.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
