sábado, 25 de abril de 2026
Este reforzo da XERA ten varios obxectivos fundamentais, como son aumentar o coñecemento e a información no sector, mellorar a profesionalización do capital humano para as tecnoloxías máis avanzadas, ou desenvolver novos procesos, produtos e usos da madeira. Para acadalos, resultará fundamental a coordinación dos centros de investigación forestal, de xeito que colaboren coma un polo único de investigación e innovación.
Desde xa hai case 30 anos, o CIS-Madeira de San Cibrao das Viñas vén prestando servizos de apoio a toda a cadea forestal-madeira, e agora incorpórase á estrutura da XERA o Centro de Investigacións Forestais de Lourizán, desde o que se pretende coordinar a investigación e innovación que o sector desenvolve en Galicia.
Ademais, tamén se incorporan á nova estrutura da XERA a Comisión de coordinación da industria e dos recursos forestais (na que colaborarán as consellerías de Economía e Industria e do Medio Rural) e a Área de Información Forestal (encargada de labores estatísticos e de información para adoptar as políticas públicas e empresariais correctas).
Neste marco da investigación, Xunta de Galicia, Universidade de Santiago de Compostela e Universidade de Vigo veñen de publicar o novo Inventario Forestal Continuo de Galicia. Este Inventario reflicte que a superficie de piñeiros e frondosas duplica á de eucaliptos, que abarca arredor de 420.000 hectáreas (suficiente para os proxectos industriais), nunha superficie forestal total de 2 millóns de hectáreas que, desde o 2016, vén creando 1 de cada 50 postos de traballo en Galicia, arredor do 2% do emprego total, que ascende ata o 12% no caso do industrial.
Máis madeira e menos carbón
Todas estas accións pretenden ter un impacto positivo no proceso de transición enerxética e descarbonización. En palabras do director de XERA, Jacobo Aboal, pouco sentido ten falar de descarbonización cando estás traendo barcos cheos de madeira doutro lugar e, en cambio, tes parte do teu territorio con pouca xestión forestal, onde non hai un tecido de aproveitamento do recurso. Pola súa banda, na súa visita ao CIS-Madeira, a conselleira de Economía e Industria, María Jesús Lorenzana, reafirmou a intención do Goberno galego de seguir intensificando a investigación e mellorando, polo tanto, a calidade do noso produto e pechando o ciclo produtivo.
A Axenda de Impulso da Industria Forestal-Madeira prevé mobilizar arredor de 140 millóns de euros, e dentro deste importe total, a XERA ofrece diferentes axudas económicas, como as destinadas á segunda transformación da industria forestal da madeira. Nos próximos días está prevista a convocatoria dunha axuda de 5 millóns de euros para investimentos en tecnoloxías forestais, procesamento, mobilización e produtos forestais.
Cabe destacar que na nosa comunidade a cadea forestal-madeira achega o 1,9% do PIB, mentres que Europa esta cifra baixa ata o 1,4%, e en España ata o 0,9%. Son boas cifras, que reflicten o estado actual dun sector que crea emprego, contribúe ao crecemento económico e permite seguir avanzando cara á descarbonización na loita contra o cambio climático, e que se verá reforzado nos vindeiros anos a través de todas as actuacións anteriores.
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
