jueves, 17 de septiembre de 2026
Froito desta experiencia, outros seis eventos das mesmas características contarán con cadanseu punto con actividades para promover a igualdade entre os asistentes, ademais de ofrecer atención especializada e continuada por parte de psicólogas e sexólogas para previr e actuar ante posibles agresións sexuais e LGTBIfóbicas.
Un obxectivo que tamén se persegue nos locais de ocio nocturno. No marco do Protocolo de actuación nestes espazos, máis de medio cento de profesionais do sector xa recibiron a formación necesaria para previr, detectar e responder ante estas situacións e ofrecer ás posibles vítimas a asistencia que necesitan, evitando así a súa revitimización.
A conselleira lembrou que Galicia foi pioneira en 2014 coa aprobación da primeira lei autonómica contra a discriminación das persoas homosexuais, transexuais, bisexuais e intersexuais. Dende entón, asegurou, o compromiso da Xunta de Galicia con esta causa non fixo máis que intensificarse, cunha nova Lei de igualdade ou a posta en marcha do servizo 028 Arco da Vella.
Fabiola García apuntou, ademais, que dende o ano 2009 o Goberno galego multiplicou por catro o orzamento en materia de igualdade, que este ano ascende ata os 54 millóns de euros. Con respecto ao ano pasado, a Xunta duplicou a partida destinada a apoiar o movemento asociativo LGTBI, a impulsar o Observatorio Galego contra a Discriminación por Orientación Sexual e Identidade de Xénero, e a reforzar a atención ás persoas LGTBI a través dos CIM, os Centros municipais de Información á Muller.
Fabiola García recoñeceu que aínda queda moito por facer na defensa dos dereitos das persoas homosexuais, bisexuais, transexuais e intersexuais e na loita contra calquera tipo de discriminación, pero garantiu o compromiso da Xunta de Galicia con esta causa apostando por máis investimento, máis protección legal, máis sensibilización e máis visibilidade.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade.
