miércoles, 23 de septiembre de 2026
Este avance cuantitativo repercutiu tamén de xeito cualitativo con niveis de rendibiidade hoteleira que medraron no quinto mes do ano un 17% e, con estas cifras estímase que o sector hoteleiro obtivo uns ingresos totais nominais de 39,8 millóns de euros no mes de maio, cifra que supón un incremento do 17% con respecto ao ano anterior.
Estes bos datos do mes de maio fanse extensivos ao acumulado do ano (de xaneiro a maio, os últimos datos feitos públicos polo INE) no que se refire aos hoteis e pensións. Nos cinco primeiros meses mellorou a súa rendibilidade nun 7% e se estima que o sector hoteleiro tivo uns ingresos totais nominais de 114,4 millóns de euros, cifra que supera nun 8,7% o ano pasado.
De xeito global e a falta que o INE faga públicos nuns días os datos nos establecementos extrahoteleiros (casas de turismo rural, campings, albergues
), Galicia rexistrou polo de agora 1,9 millóns de viaxeiros que fixeron 3,2 millóns de noites.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
