miércoles, 23 de septiembre de 2026
Na pasada edición, das 52 pezas que formaban a Selección Oficial, 33 foron proxectadas por primeira vez en Galicia.
O bo facer do GFFF, fai que a súa fama fóra das fronteiras galegas creza edición tras edición. Este ano foron convidados como festival amigo no TAC - Terror Arreu Cataluña, asociación que aglutina aos mellores festivais fantásticos de Cataluña.
Freakismo para todos os públicos
Alén da categoría como festival freaky, o certame quere convertirse nunha cita para todos os públicos, sexan ou non consumidores habituais deste tipo de audiovisual. Calquera persoa con interese no sétimo arte é susceptible de gozar no GFFF.
Á calidade e exclusividade das pezas proxectadas na Selección Oficial, súmanse as homenaxes a filmes de culto (este ano Terminator 1 e 2 e Pesadelo en Elm Street), complicadas de desfrutar na gran pantalla; as actividades paralelas con cineastas galegos e nacionais de renome, a feira de arte, a ambientación e o bo ambiente que se xera nas salas, algo que resalta o público fiel do certame.
Concurso de Banda Deseñada Benvidos a Vigo Street, de cómics inspirados na saga de Freddy Krueger.
Baixo o título Benvidos a Vigo Street o Galician Freaky Film Festival ten aberta a segunda edición do seu concurso de banda deseñada, que este ano está inspirado na saga de Freddy Krueger. As obras deberán situarnos inequívocamente na cidade de Vigo, non ter máis de catro páxinas, ser autoconclusivas e preferiblemente de terror. O prazo de presentación de obras está aberto ata o 31 de xullo a través dun formulario dispoñible na web do Galician Freaky Film Festival.
O xurado do certame de Banda Deseñada está composto por tres profesionais relacionados coa banda deseñada. Pepa Prieto Puy, ilustradora editorial e autora do cómic Mis agendas semanales; Norberto Fernández, ilustrador en diversas revistas, xornais, xogos de rol e carteis, ten catro cómics publicados; Fernando Iglesias, dono da libraría pontevedresa Baroja e coñecido nas redes sociais pola súa paixón pola saga Berserk.
GALICIAN FREAKY FILM FESTIVAL: 8 ANOS DE FREAKISMO XUNTOS
O Galician Freaky Film Festival é o evento de cinema e cultura freak definitivo. Desde hai oito anos trae á cidade olívica unha coidada selección nacional e internacional de curtametraxes de xénero. Pezas moitas veces inéditas en Galicia e España, só desfrutables nalgúns dos mellores festivais do mundo.
Unha abraiante selección de obras, unha coidada programación de actividades paralelas e un ambiente único fan que cada ano aumente o exército de freaks que se achegan a Vigo para gozar do GFFF, unha experiencia que vai alén do cinematográfico e que se converte nunha auténtica experiencia de comunidade.
A oitava edición do GFFF terá lugar os días 20 e 21 e do 25 ao 28 na Praza Elíptica, con proxeccións nos Cines Tamberlick e actividades paralelas na Sala Apo'strophe.arte
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
