lunes, 22 de diciembre de 2025
Segundo explicou a responsable galega, a Xunta asumirá a representación autonómica en ambas xuntanzas e será a encargada de defender a postura común ante as distintas materias e normativas que se sometan a debate e consideración en relación aos retos de futuro relacionados co medio ambiente, a transición enerxética ou o cambio climático.
Deste xeito, entre os asuntos máis relevantes que marcarán o próximo semestre figuran a preparación da Conferencia das Nacións Unidas sobre o Cambio Climático (COP 29) de Bakú, en Acerbaixán, e diversas medidas relacionadas co proceso de transición ecolóxica xusta iniciado pola UE, a normativa derivada do Paquete Contaminación Cero en materia de augas e solos ou a revisión da Directiva de residuos comunitaria.
Tal e como explicou Ángeles Vázquez, a participación galega neste sistema de representación ante a UE esixirá crear un equipo interdepartamental conformado por expertos en diferentes áreas e materias que deberán implicarse de forma activa e directa nos grupos de traballo de medio ambiente do Consello, onde se analiza a normativa en elaboración relacionada con este eido, e asumir a coordinación co resto de comunidades e co Estado.
Neste sentido, Galicia liderará o proceso para adoptar un documento de posición común sobre os asuntos a tratar nos dous Consellos de Medio Ambiente do próximo semestre. Esta postura será defendida por Ángeles Vázquez no marco do Consello Consultivo de Política Medioambiental para Asuntos Comunitarios, órgano no que están representadas a Administración xeral do Estado, as comunidades e as cidades autónomas.
Nas sesións que se celebrarán en Luxemburgo e Bruxelas, a conselleira acompañará á titular do Ministerio para a Transición Ecolóxica e o Reto Demográfico como membro da delegación nacional e está previsto que tome a palabra na quenda de España para defender a postura común das comunidades sobre un asunto previamente consensuado.
Reforzar a posición galega de vangarda
Nun contexto marcado pola transición enerxética e os grandes desafíos do cambio climático, Vázquez Mejuto salientou esta mañá a importancia de que Galicia asuma a representación do resto de comunidades ante os ministros de medio ambiente.
Por iso, explicou que aproveitará ambos foros para facer valer a súa situación como unha das rexións europeas mellor posicionadas para avanzar cara á neutralidade climática. De feito, lembrou que en 2022 reduciu as emisións brutas de gases de efecto invernadoiro nun 33% respecto a 1990 (en liña cos obxectivos europeos e consolidando a súa posición como a segunda comunidade española cunha maior redución), e supera con creces o obxectivo de produción enerxética renovable ao alcanzar xa o 75% en 2023.
Neste sentido, a Climate Alliance, con case 2.000 socios procedentes de 26 países, coordina actuacións do Pacto das alcaldías polo clima e a enerxía, unha iniciativa que suma xa 285 concellos galegos e que recibiu un pulo importante nos últimos anos, tras asumir a Xunta o papel de coordinadora do pacto na comunidade.
Coa súa incorporación a esta rede e o impulso a nivel autonómico de iniciativas como a Alianza Galega polo Clima ou a Rede Local polo Clima, Galicia continúa a demostrar o seu compromiso coa acción climática xusta e ambiciosa, co reto de manterse á vangarda nas políticas neste eido e no uso de ferramentas de apoio ás estratexias de acción global.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
