viernes, 13 de marzo de 2026
Os datos que fixo públicos hoxe o INE refírese exclusivamente aos hoteis e pensións, que nuns días se completarán coas cifras para o resto de aloxamentos colectivos (campings, albergues, establecementos de turismo rural
) Con todo, no referido ao sector hoteleiro, os niveis de demanda están sendo positivos e consolida tres anos consecutivos de variación positiva neste primeiro cuadrimestre, fóra de temporada alta.
O 74% das noites hoteleiras corresponderon ao turismo de ámbito nacional e case unha de cada dúas noites nos hoteis e pensións de Galicia corresponderon aos españois que veñen de fóra da comunidade. O mercado interno, dos residentes en Galicia, absorbe o 29% mentres que o 26% restante corresponde ao turismo internacional. Deste xeito, o segmento internacional rexistra o peso máis alto de toda a serie do primeiro cuadrimestre, dous puntos por encima da porcentaxe do pasado ano.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
