viernes, 13 de marzo de 2026
A Xunta de Galicia celebra do 24 ao 26 de maio a Primavera de portas abertas na Denominación de Orixe Ribeira Sacra, cunha ampla programación de rutas, catas e actividades enolóxicas e culturais. O evento foi presentado hoxe na Delegación Territorial da Xunta en Lugo polo delegado, Javier Arias; o presidente do Consorcio de Turismo da Ribeira Sacra, Luis Fernández Guitián, e o presidente do Consello Regulador da Denominación, Antonio Lombardía.
Arias destacou que o sábado e o domingo están previstas visitas guiadas durante todo o día para percorrer algunhas das 13 adegas adheridas ao programa, museos e outros lugares de interese; inclúen o traslado en autobús con saídas desde A Coruña, Vigo, Ourense, Santiago de Compostela e Lugo, neste caso desde a Praza de Bretaña ás 9,30 horas.
Ademais, a iniciativa de Turismo de Galicia ofrece desde este venres 13 actividades en distintas localizacións da Ribeira Sacra, entre elas a ruta literaria Todo esto te daré, baseada no libro de Dolores Redondo; o obradoiro Enólogo por un día, unha excursión en segway, paseos en barca polo río, e visitas ao Centro do Viño, o ecomuseo de Arxeriz, Monforte de Lemos, varios miradoiros, ou as oliveiras, viñedos e o Museo Etnográfico de Quiroga, entre outras. Os detalles de cada experiencia poden consultarse na web de Turismo de Galicia.
A Primavera de portas abertas é una acción promocional que leva a cabo Turismo de Galicia en colaboración coas Denominacións de Orixe vitivinícolas galegas. Deu comezo o 3 de maio en Valdeorras, continuou nas sucesivas fins de semana nas Rías Baixas e o Ribeiro, recala agora na Ribeira Sacra e rematará o 2 de xuño en Monterrei.
A proposta impulsa a viticultura e o turismo enogastronómico como principais elementos dinamizadores deses territorios, promocionando a súa oferta turística e incentivando a comercialización dos seus viños.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
