sábado, 14 de marzo de 2026
Pola súa banda, a conselleira de Economía e Industria, María Jesús Lorenzana, indicou que Galicia é a primeira comunidade en poñer en marcha xa este ano unha liña de axudas para as empresas auxiliares da automoción. E ademais resaltou que estas achegas están incluídas no plan director do sector -deseñado co Clúster da automoción- e que forma parte dos compromisos dos 100 días adquiridos polo Goberno autonómico.
Deste xeito, este novo programa de axudas contribúe a facer fronte aos gastos das empresas este mesmo ano, cunha primeira liña de apoios destinada a atender tanto o gasto en equipamentos como o que respecta á elaboración de proxectos de futuro. Os apoios, en concorrencia non competitiva, cobren ata o 70% destes gastos subvencionables, executados dende o 1 de xaneiro ata a data de presentación da solicitude, cun máximo de 300.000 euros. Entre as iniciativa que poderán recibir achegas están a compra de maquinaria, as reformas das naves de produción ou os gastos de consultoría para avanzar neste proceso de transición, segundo indicou a conselleira.
Así mesmo, o programa inclúe unha segunda liña de apoios de entre o 35% e o 55% dos custos das actuacións das empresas cara ao desenvolvemento de proxectos de eficiencia enerxética e renovables ata un máximo de 700.000 . Neste caso para actuacións coma a implantación de enerxías térmicas ou eléctricas (paneis fotovoltaicos ou minieólicos) ou realizar melloras de eficiencia enerxética nas instalacións.
O sector da automoción está a afrontar unha das transformacións máis grandes da súa historia, na que a transición xusta ou a electrificación son puntos centrais do cambio de paradigma. Un escenario no que a Unión Europea fixou no 2035 a data para que os novos turismos e furgonetas no mercado sexan de cero emisións.
Sobre esta base, as empresas automobilísticas galegas están a dar os pasos necesarios cara unha mobilidade con máis infraestruturas; na que se impulsen os vehículos non contaminantes; máis intelixente; máis eficiente e segura; e más competitiva. Un contexto no que este novo programa de axudas busca facilitar esta transición, actuando como un primeiro escudo de apoio.
Deste xeito, a Xunta reforza a súa aposta por un sector declarado estratéxico para a economía de Galicia, que suma máis de 200 empresas e preto de 25.000 empregos, e que conforma unha das cadeas de valor máis completas de Europa. De feito, o Goberno galego xunto coas asociacións e organizacións máis representativas do sector está a traballar no seu plan director, un instrumento consensuado para dar resposta real ás necesidades da automoción galega.
Unha ferramenta, a dos plan directores que, xunto co Plan autonómico de impulso e aceleración de proxectos industriais, forman parte da planificación da política industrial da Xunta enmarcados nunha estratexia que ten como obxectivo facilitar o proceso de adaptación e transformación enerxética e dixital da industria galega.
A Xunta de Galicia puxo en marcha a plataforma PRESENTES.gal, unha ferramenta pública destinada a visibilizar o talento feminino galego e facilitar a presenza de mulleres expertas nos espazos de debate, coñecemento e divulgación. Impulsada pola Consellería de Política Social e Igualdade, esta iniciativa constitúe a maior comunidade dixital de mulleres profesionais de Galicia, co obxectivo de facilitar que organizadores de eventos, institucións, empresas ou medios de comunicación poidan localizar referentes femininos nos distintos ámbitos profesionais.
O proxecto, que leva por nome Ways, usa o concepto do Camiño de Santiago para conectar á cidadanía coa ciencia inspirándose no espírito de intercambio e mobilidade que caracteriza á Ruta Xacobea. Con esta finalidade, proponse converter o proxecto nun percorrido europeo que une tres rexións: Galicia (España), Pomorskie (Polonia) e Emilia-Romagna (Italia) a través das cidades de Santiago, Gdynia, Rávena e Módena. A Comisión Europea é a institución encargada da convocatoria, denominada Science Comes to Town e que acada a súa terceira edición. A través dela, financia iniciativas que achegan a ciencia á sociedade. Apoia a organización de eventos públicos como festivais, obradoiros ou actividades educativas co obxectivo de promover a cultura científica, fomentar o interese pola investigación e fortalecer a relación entre ciencia e cidadanía.
