miércoles, 30 de abril de 2025
Desta cantidade, as maiores achegas proceden dos 57.680 contedores amarelos (destinados á recollida de briks e envases de plástico e metal) e azuis (para depositar os de papel e cartón) que hai repartidos por toda Galicia e dos que se recuperaron o ano pasado 47.863 Tn de envases de orixe doméstica, case o 65% do total, un dato que reflicte a importancia da separación que se fai nos propios fogares.
En concreto, cada galego contribuíu o ano pasado á reciclaxe dunha media de 15,2 kg de papel e cartón e de 15,1 kg doutro tipo de envases lixeiros, o que confirma a tendencia ascendente dos últimos anos e o compromiso e a sensibilización cada vez maior da poboación galega coa separación en orixe.
Neste sentido, cómpre indicar que o ano pasado reforzouse a actual rede municipal para facilitar a recollida selectiva deste tipo de envases coa instalación de case 1.300 contedores novos: 925 de cor amarelo e 365 azuis.
Así mesmo, outro 9% das toneladas recicladas en Galicia (6.751 Tn) proceden da recollida separada a nivel privado que se realiza en lugares que concentran unha gran afluencia de público e nos que habitualmente se xeran moitos residuos de envases, como poden ser estadios de fútbol, centros comerciais ou instalacións penitenciarias, entre outros, e nos que Ecoembes ten instalados máis de 2.200 puntos de reciclaxe e 29 máquinas Reciclos, un sistema de devolución co que se incentiva a reciclaxe de latas e botellas de plástico a través de recompensas sociais e ambientais.
Por último, o 25,9% restante dos envases lixeiros e de papel-cartón recuperados o ano pasado en toda a Comunidade (19.073 Tn) teñen a súa orixe nas plantas de residuos que tratan a chamada fracción resto é dicir, aquela na que o lixo chega mesturado grazas á separación dos envases que son recuperables.
O hábito de separar residuos tamén se estende fóra dos fogares ao sector turístico e hoteleiro. Na rexión, segundo os datos de Ecoembes, 76 hoteis e 144 cámping contan con recollida selectiva de envases e máis de 5.000 locais Horeca (bares e restaurantes) forman parte do programa Ecohosteleiro, que axuda aos establecementos a ser máis sostibles incorporando a reciclaxe de envases nas súas instalacións. Por outro lado, 214 albergues galegos forman parte xa da iniciativa Camiño da reciclaxe.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
