sábado, 13 de junio de 2026
Neste último caso, cómpre indicar que hai máis de 35 puntos porcentuais de diferencia con respecto ao nivel de emisións do conxunto de España, onde, ademais, non baixaron, senón que subiron un 2,4%. A maiores, Galicia é tamén a comunidade que máis CO2 absorbe -o 20,9% do total de absorcións de España- e onde máis se incrementou a absorción en termos absolutos desde 1990 (nun 88,2%).
Así, na liña de continuar o traballo levado a cabo nos últimos anos polo Goberno galego promovendo iniciativas que contribúan a converter a Comunidade nun auténtico refuxio climático verde e sostible, a Xunta presentou hoxe a Rede local polo clima, que, segundo Ánxeles Vázquez, ten como obxectivo coordinar cos concellos as actuacións para aproveitar sinerxías na loita contra o quecemento global e, ao mesmo tempo, promover políticas locais de sustentabilidade ambiental, facilitando a xestión do coñecemento así como a difusión e intercambio de experiencias.
A conselleira salientou o compromiso dos concellos co desenvolvemento sostible e a protección do clima e avogou porque este novo instrumento de gobernanza local e rexional facilite a posta en marcha de medidas tanxibles, medibles e comparables que contribúan a garantir un futuro sostible e libre de carbono.
Iniciativas complementarias
A iniciativa presentada hoxe, coincidindo coa conmemoración do Día mundial da acción polo clima, vén complementar outras medidas como o Pacto das alcaldías polo clima e a enerxía, que conta xa con 285 concellos adheridos, dos que 262 xa teñen elaborado un Plan de acción polo clima e a enerxía sostible (PACES), para o que contaron con apoio técnico e asesoramento personalizado da Xunta co obxectivo de que melloren a súa eficiencia enerxética e a súa resiliencia.
A maiores, a Xunta promoveu en 2022 a Alianza galega polo clima, que conta xa con preto de 120 entidades adheridas -universidades, autoridades portuarias, clubs deportivos ou empresas-, co obxectivo de conectar ao tecido produtivo e social galego de cara a traballar contra o quecemento global, facer máis resiliente á Comunidade e establecer pautas de actuación para alcanzar a neutralidade climática.
Cómpre lembrar tamén que a Xunta, ademais de publicar a Guía de contratación pública ecolóxica, está a desenvolver a que será a primeira lei do clima de Galicia.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
