miércoles, 30 de abril de 2025
Aínda que o máis importante non é a competición, si haberá premios nas categorías infantil e adulta para as mellores clasificacións.
A proba está organizada pola Xunta a través da Cidade da Cultura e patrocinada por Viaqua, coa colaboración da Federación Galega de Atletismo, Coca-Cola e Gadis. Está aberta a persoas tanto federadas como non federadas e a idade mínima para participar é a das persoas nadas antes do 31 de decembro de 2020.
Información práctica
A saída da Holi Gaiás, cun circuíto de 5 kilómetros, será ás 12.00 horas e nela participan a categoría infantil (nados do 2009 ao 2014) e adulta (nados no 2008 e anos anteriores). Pola súa banda, a cativada que participe na Peque Holi (nados entre o 2015 e o 2020) farán un percorrido de 700 metros con saída ás 11.30 horas. Os nenos e nenas nesta última proba poden ir acompañados dunha persoa adulta.
As inscricións xa están abertas na páxina www.carreirasgalegas.com, cun custo de 5 euros por dorsal e 3 para a Peque Holi. O prazo para apuntarse remata o 5 de xuño ás e a recollida de dorsais realizarase na propia Cidade da Cultura durante o venres 7 de xuño e o mesmo día da carreira ata as 11.00 horas para a proba dos pequenos e ata as 11.30 para a carreira principal. Toda a información sobre as bases, o seu regulamento e a inscrición atópanse na páxina www.cidadedacultura.gal.
O conselleiro do Mar, Alfonso Villares, defendeu unha reforma da Política Pesqueira Común (PPC) para que esta se adapte ás necesidades da cadea mar-industria galega. Esta reforma debe incluír unha rexionalización da normativa europea e, por tanto, ter en conta as propostas e participación proactiva das autoridades rexionais na futura toma de decisións que se leven a cabo en Bruxelas neste senso. Así o expuxo este martes na reunión mantida ao máis alto nivel polo Comisario de Pesca e Océanos, Costas Kadis, co ministro de Agricultura, Pesca e Alimentación, Luis Planas, os responsables das comunidades autónomas do ramo, e as entidades representantes do sector pesqueiro, acuícola e das mulleres.
O presidente da Xunta, Alfonso Rueda, informou de que o Executivo autonómico aprobou hoxe 'solicitar formalmente un informe ao Consello Consultivo de Galicia' sobre 'as posibilidades legais' do traspaso das competencias para xestionar os permisos de traballo das persoas doutros países. O obxectivo é avaliar a posibilidade de asumir esta función en tres áreas concretas: as autorizacións iniciais para que unha persoa estranxeira poida traballar na comunidade, os permisos para traballos de tempada e os de larga estancia por motivos de estudos ou formación.
