jueves, 1 de mayo de 2025
Trátase dunha cita á que asistirá o conselleiro de Cultura, Educación, Formación Profesional e Universidades en funcións, Román Rodríguez, acompañado pola directora xeral de Patrimonio Cultura, Mª del Carmen Martínez, e na cal os técnicos e profesionais do equipo redactor exporán a proposta da Xunta de Galicia. A continuación, será debatida e sometida a votación para ser elixida como candidata de España e que poida ser abordada no Comité do Patrimonio Mundial.
Na mesma liña, o conselleiro de Cultura, Educación, FP e Universidades en funcións, Román Rodríguez, destacou os valores senselleiros e as características singulares da Ribeira Sacra para alzarse con este recoñecemento da Unesco.
Tal e como explicou o conselleiro, o informe que se valorará mañá é o resultado do traballo feito tras o aprazamento estratéxico decidido no ano 2021 para reformular, revisar, fortalecer e mellorar o expediente elaborando contidos específicos que afonden nos valores da Ribeira Sacra e impulsen a súa candidatura co máximo rigor e calidade. Trátase dunha nova fase en que a Administración autonómica traballou en colaboración cos técnicos do Ministerio de Cultura e a implicación da Embaixada de España ante a Unesco para avanzar no éxito do expediente.
Neste proceso, os técnicos da Consellería de Cultura, Educación, Formación Profesional e Universidades intensificaron o traballo para, seguindo as recomendacións do Icomos, o órgano asesor da Unesco, dar un novo impulso á proposta mediante un proceso de diálogo en que estiveron presentes tanto as administracións implicadas como os veciños e membros da comunidade local.
Por outra banda, a Xunta de Galicia tamén ampliou o equipo técnico que traballa na candidatura incorporando novos perfís que axuden a buscar novos e complementarios argumentos e xustificacións co fin de conseguir o máximo recoñecemento da Unesco. Trátase de incorporacións que permiten sumar algúns dos mellores expertos patrimoniais e que marca un punto de inflexión no proceso e na vía de diálogo con Icomos.
Ademais, co fin de impulsar o recoñecemento do valor e a importancia deste territorio, a Xunta de Galicia impulsou a finais do ano pasado a celebración do encontro Paisaxes da auga: unindo o pasado co futuro, unha cita internacional que reuniu no corazón da Ribeira Sacra a unha trintena de expertos para abordar de xeito conxunto os desafíos relativos á preservación, a investigación, a protección e promoción do patrimonio a través da posta en marcha de novas vías de diálogo entre profesionais de diferentes ámbitos.
De xeito paralelo a este traballo, desde o ano 2017, cando comezaron os primeiros traballos da candidatura, a Xunta leva investidos preto de 8 M na conservación e posta en valor de diferentes bens patrimoniais desta comarca das provincias de Lugo e Ourense. Así, ao longo deste período, a Administración autonómica executou, en solitario ou en colaboración con outras institucións e concellos, máis de 90 actuacións tanto en materia arquitectónica como arqueolóxica en diferentes bens como igrexas, mosteiros, museos, castros ou xacementos romanos, entre outros.
Román Rodríguez explicou que a candidatura que se presenta mañá Paisaxe da auga: Ribeira Sacra- céntrase en destacar o vínculo desta zona coa agua que marca desde a súa paisaxe ata as súas infraestruturas. Céntrase en como se xestiona a auga, como a paisaxe se modifica por esta xestión e como interveu o home nesta xestión, indicou.
No caso de que a candidatura da Ribeira Sacra fose a elixida para representar a España, non sería ata 2026 cando a Unesco tomaría a decisión definitiva.
A Filmoteca de Galicia inicia en maio unha retrospectiva arredor do actor italiano Marcelo Mastroianni como parte dunha carteleira na que tamén sobresaen as visitas de dous destacados nomes do actual panorama cinematográfico estatal: Alauda Ruiz de Azúa e Albert Serra. A oferta mensual da cinemateca da Xunta arranca este venres 2 con Corazón Salvaje, que se exhibe na recta final da homenaxe que se lle está a dedicar ao director David Lynch tralo seu recente pasamento. A nova programación inclúe tamén un repaso ás tres longametraxes do cineasta galego Raúl Veiga e a habitual colaboración co festival Play-Doc de Tui, que desta volta pon o foco en dúas figuras do cinema independente norteamericano: Monte Hellman e Elaine May.
Ou Yeah! é unha nova iniciativa arraigada no territorio, comprometida coa súa xente e deseñada para proxectar Ourense ao mundo. A súa esencia é a transformación: do local ao global, do tradicional ao contemporáneo, do escenario ao prato, do concerto ao encontro. Deste xeito, o festival, que ten como columna vertebral o rock, entendido nun sentido amplo, plural e actual, conxuga música, gastronomía, identidade e impacto territorial. Ou Yeah! espallarase pola provincia de Ourense entre os meses de xullo e outubro de 2025. O primeiro concerto terá lugar na capital da provincia, na explanada de Expouerense, o sábado 12 de xullo, da man de bandas de referencia internacionais, nacionais e galegas como The Waterboys, Morgan, Escuchando Elefantes e Tesouro.
