viernes, 19 de junio de 2026
Tras incidir no éxito desta ferramenta dixital e recordar que a semana pasada foi presentada no marco do congreso 36º Congreso da Unión Europea de Ciclismo, que se celebrou en Santiago, a vicepresidenta segunda en funcións animou a todas as persoas interesadas no ciclismo a explorar o visor do IET e acceder a información de interese sobre algúns dos recunchos máis interesantes para explorar desde a bicicleta.
Entre os principais fitos do Instituto para este ano, Vázquez Mejuto salientou tamén os dous proxectos europeos relacionados co eido das infraestruturas verdes nos que colabora Galicia e que en 2024 recibirán un pulo importante.
Son, en concreto, o Green Infraestrutura for Forest and Trees (GIFT), liderado polo IET en colaboración con nove socios de oito países europeos e no marco do cal está programada unha acción piloto na Área de Especial Interese Paisaxístico (AIEP) do Monte Xalo; e o Green GAP con Portugal, que permitirá poñer en marcha as accións contidas no plan transfrointeirizo de mellora da paisaxe no esteiro do río Miño.
Para continuar cos traballos impulsados desde o ano 2016 polo IET no marco da colección Paisaxe Galega, a responsable autonómica indicou que nos vindeiros meses se presentarán tres novas guías de boas prácticas: a de integración das terrazas no espazo público, que se está a consensuar co sector; a guía para a execución de áreas de lecer; e un novidoso manual metodolóxico para a análise da ordenación do territorio baixo os efectos do cambio climático.
Así mesmo, avanzou que en 2024 comezarase a traballar nunha nova guía e, tal e como se anunciou este mesmo mes, renovarase coa colaboración da Fundación Juana de Vega o Catálogo das Paisaxes para proceder á súa actualización no contexto territorial, social, económico e cultural.
Aposta polo fermosismo
A vicepresidenta segunda en funcións aproveitou a súa intervención para referirse tamén á convocatoria deste ano das axudas para a corrección de impactos paisaxísticos, a cuarta desde que o IET decidiu apostar por estes incentivos para animar a concellos e cidadáns a apostar pola cultura do fermosismo.
Ao respecto, explicou que unha vez pechado o prazo para a presentación de solicitudes e tendo en conta o orzamento dispoñible 2 millóns de euros en total para ambas liñas a previsión é volver a esgotar o crédito e conceder 50 axudas a entidades locais para mellorar a imaxe de edificios municipais e elementos etnográficos como fontes, lavadoiros ou cruceiros e outras 355 dirixidas a apoiar a propietarios particulares na reforma e acondicionamento exterior dos seus inmobles.
Por último, Ángeles Vázquez lembrou que esta mesma semana se publicou a quinta convocatoria do distintivo Bandeira Verde, co que a Xunta recoñece o labor dos concellos máis comprometidos co coidado da paisaxe e a protección medioambiental e ao que se poderán presentar candidaturas ata o vindeiro 30 de maio.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
